Radhe Shyam: ప్రీ-రిలీజ్ బిజినెస్ లో సత్తా చాటుతున్న 'రాధే శ్యామ్'

Radhe Shyam: 'జిల్' ఫేమ్ రాధాకృష్ణ దర్శకత్వంలో యంగ్ రెబెల్ స్టార్ ప్రభాస్ నటించనున్న సినిమా 'రాధే శ్యామ్'. ఈ సినిమా విడుదల కోసం ఎంతో ఆసక్తిగా ఎదురుచూస్తున్నారు ప్రభాస్ ఫ్యాన్స్. ఇంతకు ముందెన్నడూ చూడని ప్రేమకథగా రానుందని టాక్ వినిపిస్తోంది.

ఈ సినిమాలో పూజా హెగ్డే హీరోయిన్‌గా నటించనుంది. హై బడ్జెట్ తో తీస్తున్న ఈసినిమా పాన్ ఇండియాగా విడుదల కానుంది. ఈ మూవీపైనా అంచనాలు హై రేంజ్‌లో ఉన్నాయి.

ఈ చిత్రం షూటింగ్ ఇంకా పూర్తి కాలేదు. ప్రస్తుతం కరోనావైరస్ సెకండ్ వేవ్‌ కారణంగా ఈ సినిమా ఆగిపోయింది. అయితే, సినిమా ప్రీ రిలీజ్ బిజినెస్ అప్పుడే ఊపందుకున్నట్లు వార్తలు వినిపిస్తున్నాయి.

తాజా నివేదికల ప్రకారం, ఈ సినిమా ప్రీ-రిలీజ్ బిజినెస్ ఓవర్సీస్‌లో అనూహ్యంగా పెరిగిందంట. అగ్రశ్రేణి పంపిణీదారులు ఈ చిత్రం యొక్క థియేట్రికల్ హక్కుల కోసం ఇప్పటికే నిర్మాతలను సంప్రదించారంట. భారీగా చెల్లించేందుకు సిద్ధంగా ఉన్నారని టాక్ నడుస్తోంది. ఈ చిత్రం యొక్క థియేట్రికల్ హక్కులు 3.5 మిలియన్ డాలర్ల నుంచి 4 మిలియన్ డాలర్ల మధ్య బిజినెస్ చేయనున్నట్లు తెలుస్తోంది. ఈ సినిమాను యూవీ క్రియేషన్స్ నిర్మిస్తోంది.