Game Changer Teaser: గేమ్ చేంజర్ టీజర్ చూశారా? రామ్‌కు కోపం వస్తే ఇలా ఉంటుందా?

Game Changer Teaser: రామ్ చరణ్ హీరోగా తెరకెక్కిన గేమ్ చేంజర్ మూవీ టీజర్ రిలీజైంది. భారీ బ్లాక్ బస్టర్ చిత్రాల దర్శకుడు శంకర్ డైరెక్ట్ చేసిన ఈ సినిమాపై అభిమానుల్లో భారీ అంచనాలున్నాయి. రామ్ చరణ్ సరసన బాలీవుడ్ నటి కియారా అద్వానీ జంటగా నటించింది. మెగా పవర్ స్టార్ ఫ్యాన్స్‌కు వచ్చే సంక్రాంతి పండగ కానుకగా జనవరి 10వ తేదీన గేమ్ చేంజర్ మూవీ రిలీజ్ అవబోతోంది.

గేమ్ చేంజర్ మూవీ రిలీజ్ తేదీకి సరిగ్గా మరో 2 నెలల సమయమే మిగిలి ఉంది. దీంతో తాజాగా డైరెక్టర్ శంకర్ ఈ సినిమా ప్రమోషన్స్ లో వేగం పెంచాడు. అందులో భాగంగానే ఇవాళ గేమ్ చేంజర్ మూవీ టీజర్ రిలీజ్ చేశారు.

ఆర్ఆర్ఆర్ లాంటి బ్లాక్ బస్టర్ హిట్ తరువాత రామ్ చరణ్ నటించిన మూవీ ఇదే. పైగా ఆర్ఆర్ఆర్ మూవీ తరువాత రామ్ చరణ్ ఇమేజ్ ప్యాన్ ఇండియా క్రేజ్ దాటి మెగా పవర్ స్టార్ నుండి గ్లోబల్ స్టార్ ఇమేజ్ కు పెరిగింది. దాంతో గేమ్ చేంజర్ మూవీపై అంచనాలు కూడా అంతే భారీగా పెరిగాయి. అంతేకాకుండా దర్శకుడు శంకర్ నుండి వస్తున్న సినిమా అంటే ఆ సినిమాకు ఉండే మార్కెట్టే వేరు. అదంతా గేమ్ చేంజర్ మూవీ చుట్టూ ఉన్న యూఫోరియాపై స్పష్టంగా కనిపిస్తోంది.

ప్రముఖ మ్యూజిక్ కంపోజర్ థమన్ ఈ సినిమాకు మ్యూజిక్ అందిస్తున్నాడు. గతంలో సూపర్ స్టార్ మహేష్ బాబు సరసన భరత్ అనే నేను సినిమా చేసిన కియారా అద్వానీ చాలా గ్యాప్ తరువాత మరోసారి తెలుగు ఆడియెన్స్‌ను పలకరించనుంది. దిల్ రాజు, శిరీష్ నిర్మిస్తున్న ఈ సినిమాలో ఎస్.జె సూర్య, నవీన్ చంద్ర, అంజలి, సముద్రఖని, శ్రీకాంత్, సునీల్ తదితరులు గేమ్ చేంజర్ మూవీలో ప్రధాన పాత్రలు పోషిస్తున్నారు.