Dil Raju: దిల్ రాజు సినిమాతో డైరెక్టర్‌గా మారబోతున్న ప్రముఖ కమెడియన్?

Dil Raju: టాలీవుడ్ ప్రముఖ నిర్మాత దిల్ రాజు ప్రస్తుతం ఆసక్తికరమైన ప్రాజెక్టులను తెరకెక్కించడంలో బిజీగా ఉన్నారు. ఈ నిర్మాత పెద్ద సినిమాలతో పాటు చిన్న సినిమాలను కూడా ఏకకాలంలో నిర్మిస్తుంటాడు. అలాగే ప్లాన్ చేస్తూ ముందుకు వెళ్తుంటాడు. తాజాగా దిల్ రాజు నుంచి ఓ అప్డేట్ తో ఆసక్తిని పంచుతున్నారు.

ప్రముఖ తెలుగు హాస్యనటుడిని దర్శకుడిగా పరిచయం చేయబోతున్నారనే వార్త టాలీవుడ్ లో టాక్ ఆఫ్ ది టౌన్ గా మారింది. 'మున్నా', 'మహనుభవుడు', 'నన్ను దోచుకుందువటె' వంటి సినిమాలతో మంచి ఆకట్టుకున్నాడు కమెడియన్ వేణు. ప్రస్తుతం, ఈ నటుడు అతి త్వరలో ఓ సినిమా కోసం మెగాఫోన్‌ను పట్టుకోబోతున్నట్లు తెలుస్తోంది. వేణు తన స్క్రిప్ట్‌తో దిల్ రాజును ఆకట్టుకున్నాడని సమాచారం. అలాగే దిల్ రాజు సూచించిన కొన్ని మార్పులను చేసి స్క్రిప్ట్ ను ఫైనల్ చేశారని టాక్. ఈ మూవీ అతి త్వరలోనే అఫీసియల్ గా ఎనౌన్స్ చేయబోతున్నారని సమాచారం.

తక్కువ బడ్జెట్‌తో నిర్మించే ఈ చిత్రంలో ప్రధాన తారాగణం, సిబ్బంది గురించి మరిన్ని వివరాలు రానున్న రోజుల్లో విడుదల కానున్నాయి. దిల్ రాజు ప్రస్తుతం 'వకీల్ సాబ్', 'పాగల్' అనే రెండు ప్రాజెక్టులతో బిజీగా ఉన్నారు. ఇవి వరుసగా ఏప్రిల్ 9, మే 1 న విడుదల కానున్నాయి. ఆ తరువాత ఈ ప్రాజెక్టు మొదలుకాబోతుందని సమాచారం.