సినిమాని దర్శకుడు చేతుల్లో పెట్టేసిన రాజుగారు

తమిళం లో '96' సినిమా మా ఒక క్లాసిక్ చిత్రం గా నిలిచి పోయిన సంగతి తెలిసిందే. విజయ్ సేతుపతి, త్రిష హీరోహీరోయిన్లుగా ప్రేమ్ కుమార్ దర్శకత్వంలో నటించిన ఈ సినిమా ఎమోషనల్ ప్రేమకథగా ప్రేక్షకుల ముందుకు వచ్చి కోలీవుడ్ లో బ్లాక్ బస్టర్ గా మారింది. ఇప్పుడు అదే సినిమాను తెలుగులో రీమేక్ చేయనున్నారు. ఇంకా టైటిల్ ఖరారు కాని ఈ సినిమాలో సమంత శర్వానంద్ హీరో హీరోయిన్లు గా కనిపించనున్నారు. తమిళ దర్శకుడు ప్రేమ్ కుమార్ తెలుగు వర్షన్ కి కూడా దర్శకత్వం వహించనున్నారు.

దిల్ రాజు ఈ సినిమాను నిర్మించనున్నారు. అయితే గత కొంత కాలంగా ఈ సినిమా విషయంలో దిల్ రాజు ప్రమేయం ఎక్కువగా ఉంటుందని వార్తలు వినిపిస్తున్న సంగతి తెలిసిందే. కానీ తాజా సమాచారం ప్రకారం దిల్ రాజు దర్శకుడికి పూర్తి స్వేచ్ఛను ఇచ్చారట. నిజానికి ఈ సినిమా కోసం దేవి శ్రీ ని తీసుకోవాలని, అలాగే సినిమాలో ఎంటర్టైన్మెంట్ కూడా జోడిస్తే బాగుంటుందని దిల్ రాజు అనుకున్నారట. కానీ అలా చేస్తే సినిమాలో సోల్ దెబ్బతింటుందని ప్రేమ్ కుమార్ ససేమిర ఒప్పుకోలెదు. అందుకే ఈ స్క్రిప్ట్ విషయంలో మార్పులు చేర్పులు చెప్పకూడదని ప్రేమ్ కుమార్ షరతులు పెట్టడంతో దిల్ రాజు కూడా సైలెంట్ అయిపోయారు అని తెలుస్తోంది.