Dil raju: "ఆర్ ఆర్ ఆర్" బృందానికి దిల్ రాజు గిఫ్ట్లు

Dil raju: ఏదైనా ఒక సినిమా బ్లాక్ బస్టర్ అయితే ఆ సినిమాకి సంబంధించిన నటీనటులు మరియు చిత్ర బృందానికి ఎవరో ఒక ఇండస్ట్రీ పెద్ద పార్టీ ఇచ్చి ప్రశంసిస్తూ ఉంటారు. తాజాగా ఇప్పుడు "ఆర్ ఆర్ ఆర్" నుండి "నాటు నాటు" పాట ఆస్కార్ కూడా గెలుచుకోవడంతో తెలుగు ఇండస్ట్రీ మరొకసారి గర్వంతో తలెత్తుకున్నట్లు అయింది. ఈ నేపథ్యంలోనే చిత్ర బృందం సెలబ్రేషన్లతో బిజీగా ఉంది.

తాజాగా ఇప్పుడు ప్రముఖ టాలీవుడ్ నిర్మాత దిల్ రాజు కూడా చిత్ర బృందానికి తన వైపు నుంచి ప్రశంసలు అందజేయాలి అనుకున్నారు. ఈ నేపథ్యంలో లోనే దిల్ రాజు చిత్ర బృందానికి కొన్ని స్పెషల్ గిఫ్ట్స్ పంపించారు. సినిమా నటీనటులకి మరియు కొంతమంది టెక్నీషియన్లకు దిల్ రాజు గిఫ్ట్ లు అందించారు. ఇక ఆ గిఫ్ట్ లో ఒక కస్టమ్ మేడ్ గ్లోబ్ తో పాటు సినిమా రీల్, క్లాప్ బోర్డ్, ప్రశంసిస్తూ ఒక లెటర్ మరియు నాటు నాటు పాటకి సంబంధించి ఒక ఫోటోని ఈ గిఫ్ట్ లో పంపించారు దిల్ రాజు.

"ఒక చారిత్రాత్మకమైన విజయాన్ని సెలబ్రేట్ చేసుకుంటున్నాము. మా నిర్మాతలు దిల్ రాజు గారు, శిరీష్ గారు, హన్సిత ఆర్ఆర్ఆర్ చిత్ర బృందాన్ని కలిసి వారికి శుభాకాంక్షలు చెప్పి ఆస్కార్ విన్ అయినందుకు గాను గిఫ్ట్లు అందజేశారు," అంటూ కొన్ని ఫోటోలు షేర్ చేస్తూ శ్రీ వెంకటేశ్వర క్రియేషన్స్ బ్యానర్ వారు సోషల్ మీడియాలో ఒక పోస్ట్ ని పెట్టారు. ఆ ట్వీట్ ఇప్పుడు సోషల్ మీడియాలో అందరి దృష్టిని ఆకర్షిస్తోంది. దిల్ రాజు చేసిన పనికి అభిమానులు కూడా ప్రశంసిస్తున్నారు.