సోషల్ మీడియా లో వైరల్ గా మారిన చిరు మనవరాలి ఫోటోలు

గతేడాది క్రిస్మస్ పండుగ రోజున మెగాస్టార్ చిరంజీవి రెండవ కూతురైన శ్రీజ ఒక పండంటి ఆడపిల్ల కు జన్మనిచ్చిన సంగతి తెలిసిందే. కళ్యాణ్ దేవ్, శ్రీజ దంపతులు ఆ చిన్నారికి నవిష్క అనే పేరు పెట్టారు. నిన్న మొన్నటి వరకు పాప మొహం కనిపించకుండా ఫోటోలను షేర్ చేసిన శ్రీజ మరియు కళ్యాణ్ తొలిసారిగా ఆమె మొహం చూపిస్తూ తొలిసారి ఫోటోలను పోస్ట్ చేశారు. నవిష్క పుట్టి నాలుగు నెలలు పూర్తయిన సందర్భంగా శ్రీజ మరియు కళ్యాణ్ కొన్ని ఫోటోలు షేర్ చేశారు. ఇప్పుడు ఆ ఫోటోలు సోషల్ మీడియా లో వైరల్ గా మారుతున్నాయి."తొలిచూపులోనే ప్రేమ కలుగుతుంది అనే విషయంపై నాకు నమ్మకం కలిగింది అంటే అది నీ వలనే. ఎందుకంటే నువ్వు పుట్టిన క్షణం నుంచి నేను నిన్ను ప్రేమిస్తూనే ఉన్నాను నవిష్క" అంటూ కళ్యాణ్ దేవ్ ఒక క్యూట్ ఫోటోను పోస్ట్ చేశారు. ఇక సినిమాల పరంగా చూస్తే 'విజేత' సినిమాతో హీరోగా మారిన కళ్యాణ్ మొదటి సినిమాతో మంచి విజయాన్ని అందుకోలేక పోయారు. ఇక తాజాగా కళ్యాణ్ తన రెండవ సినిమా పులి వాసు దర్శకత్వంలో చేసేందుకు సిద్ధమవుతున్నారు. రిజ్వాన్ ఎంటర్టైన్మెంట్స్ పతాకంపై నిర్మిస్తున్న ఈ సినిమాకు తమన్ సంగీతాన్ని అందిస్తున్నారు.