Bigg Boss Eliminations Updates: బిగ్ బాస్ లో ఎలిమినేషన్స్ లేవు!

ఇక ఈ వారం ఎలిమినేషన్స్ లో ఆరుగురు ఉన్నారు. నోయల్, దివి, మోనాల్, అభిజీత్, అరియానా, అవినాష్ లు నామినేట్ అయ్యారు. అయితే, ఇప్పటికే అవినాష్-అరియానా మధ్య ఒక పులిహోర ట్రాక్.. అరియానా-హరికల మధ్య ఎదో తెలీని ట్రాక్.. అఖిల్-మోనాల్ మధ్య ఓ విపరీత ప్రేమ ట్రాక్ నడిపిస్తున్నారు బిగ్ బాస్ స్క్రిప్ట్ రైటర్లు. ఇప్పుడు ఉన్న ఆరుగురిలో ఏ ఒక్కరు ఎలిమినేట్ అయినా ఆ స్క్రిప్ట్ గందరగోళం అయిపోతుంది. ప్రేక్షకుల ఓట్లు ఎంత ముఖ్యమో.. టీఆర్పీ రేటింగ్ లు అంతే ముఖ్యం బిగ్ బాస్ కు. అందువల్ల ఈసారి ఎలిమినేట్ ఎవరు అవుతారనే అంశంలో విపరీతమైన ఆసక్తి నెలకొంది.

ఒక వేళ ఓటింగ్ ను నమ్ముకుంటే మాత్రం మోనాల్ కచ్చితంగా హౌస్ బయట ఉంటుంది. ఇప్పటికే రెండు సార్లు ఆమె కోసం వేరే వాళ్ళని బాలి చేశాసాడు బిగ్ బాస్ అని ప్రేక్షకులు గుర్రుగా ఉన్నారు. ఒకవేళ మోనాల్ కోసం మరొకరిని బాలి చేయాలి అనుకుంటే ఒక్క అరియానా మాత్రమె ఉంది. కానీ, ఈ వారం నామినేషన్ టాస్క్ లో అరియానా వ్యవహరించిన తీరుతో ప్రేక్షకుల అభిమానం గెలిచేసింది. దాంతో ఆమెను షో నుంచి బయటకు పంపిస్తే మళ్ళీ మరో వివాదం రేగే అవకాశం ఉంది. అందువల్ల ఎవరిని ఎలిమినేట్ చేయాలి అనే అంశంలో బిగ్ బాస్ టీం విపరీతంగా ఆలోచనలో పడిపోయింది. అయితే వారికి ఓ అద్భుతమైన అవకాశం దొరికింది. కొత్తరకమైన ఎలిమినేషన్ చేయాలని ఆలోచన వచ్చిందని తెలుస్తోంది. ఇది మన తెలుగులో కొత్త కానీ, ఆల్రెడీ హిందీ బిగ్ బాస్ లో ఈవారం నడుస్తోంది. అది ఏమిటంటే ఇన్విజబుల్ ఎలిమినేషన్. గత వారం హిందీలో సల్మాన్ ఖాన్ తక్కువ ఓట్లు వచ్చిన కంటేస్టంట్ ను హౌస్ నుంచి పంపించలేదు. కాకపోతే..ప్రత్యేకమైన డ్రస్ వేసి హౌస్ లోనే ఉంచారు. అయితే, ఆ హౌస్మేట్ ఎటువంటి టాస్క్ లు లేదా స్కిట్లు ఇటువంటి వాటిలో పాల్గోకూడదు. కేవలం బిగ్ బాస్ ఏ ఆదేశాలు ఇస్తే వాటినే అనుసరించాలి. అలా చేయకపోతే మాత్రం వచ్చే వరం డైరెక్ట్ గా ఆ హౌస్మేట్ ఎలిమినేట్ అయిపోతాడు.

సరిగ్గా ఈ కాన్సెప్ట్ మన తెలుగు బిగ్ బాస్ నెత్తిన పాలు పోసింది. అందుకే.. ఈవారం ఎలిమినేషన్ లేకుండా హిందీలో చేసిన విధంగా చేయాలని ప్లాన్ చేస్తున్నారట. ఇదే నిజమైతే మరో కొత్తరకం ఎలిమినేషన్ చూడబోతున్నారు బిగ్ బాస్ ప్రేక్షకులు. మొత్తంమ్మీద ఇప్పుడు అందుతున్న సమాచారం ప్రకారం.. సోషల్ మీడియాలో వస్తున్నా వార్తల ప్రకారం చూస్తె ఈవారం బిగ్ బాస్ నుంచి ఎవరూ బయటకు వేల్లబోవడం లేదు.

మరిచూడాలి బిగ్ బాస్ హౌస్ లో ఈవారాంతంలో ఏం జరగబోతోందో..