Bigg Boss Telugu 8: ఎలిమినేషన్‌లో బిగ్‌బాస్‌ ఊహకందని ట్విస్ట్‌.. ఏం జరగనుంది.?

బిగ్‌బాస్‌ చివరి దశకు చేరుకుంటోంది. అందుకు అనుగుణంగా ఎపిసోడ్స్‌ కూడా ఆసక్తిగా మారుతున్నాయి. ఈ వారమంతా ఫ్యామిలీ వీక్‌తో బిగ్‌బాస్‌ ఎపిసోడ్స్‌ అన్నీ ఎమోషనల్‌గా సాగుతున్నాయి. హౌజ్‌మేట్స్‌ కుటుంబ సభ్యులతో మాట్లాడడం, ఈ సందర్భంగా భావోద్వేగాలకు గురికావడం వంటివి జరిగాయి. ఇదిలా ఉంటే మరో ఎలిమినేషన్‌కు రంగం సిద్ధమైంది.

11వ వారం హౌజ్‌లో నుంచి బయటకు వెళ్లేది ఎవరన్న దానికి సంబంధించి పెద్ద ఎత్తున చర్చ జరుగుతోంది. మరికాసేపట్లో ఎలిమేషన్‌ ఉండగా తాజాగా ఇందుకు సంబంధించి ఓ ఆసక్తికర వార్త వైరల్‌ అవుతోంది. ఈ వారం నామినేషన్‌లో అవినాష్‌, తేజ, గౌతమ్‌, పృథ్వీ, విష్ణుప్రియ, యష్మి ఉన్నారు. అయితే ఓటింగ్‌ ప్రకారం డేంజర్‌లో జోన్‌లో అవినాష్‌, విష్ణుప్రియలో ఒకరు ఈ వారం హౌజ్‌ నుంచి ఎలిమినేట్ కానున్నారని వార్తలు వచ్చాయి.

మెజారిటీ అవినాష్‌ ఎలిమినేట్‌ కానున్నాడని భావిస్తున్నారు. అయితే ఇక్కడే బిగ్‌బాస్‌ ట్విస్ట్ ఇచ్చినట్లు తెలుస్తోంది. నిజానికి తేజ, అవినాష్‌ ఇద్దరు డేంజర్‌ జోన్‌లో ఉన్నట్లు తెలుస్తోంది. వీరిలో అవినాష్‌కు తక్కువ ఓటింగ్‌ ఉండడంతో ఎలిమినేట్‌కు రంగం సిద్ధమైనట్లు సమాచారం.

కానీ చివరిలో నబీల్‌తో ఎవిక్షన్‌ ఫీల్డ్‌ను బలవంతంగా వాడేలా చూసినట్లు తెలుస్తోంది. ఈ ఎవిక్షన్‌ ఫీల్డ్‌ కారణంగా అవినాష్‌ సేవ్‌ అయినట్లు తెలుస్తోంది. ఈ కారణంగానే ఈ వారం అసలు బిగ్‌బాస్‌లో ఎలిమినేషన్‌ ఉండబోదని తెలుస్తోంది. మరి బిగ్‌బాస్‌ ఎలాంటి ట్విస్ట్ ఇవ్వనున్నాడో తెలియాలంటే మరికొన్ని గంటలు వేచి చూడాల్సిందే.