Bigg Boss 4 Updates: బిగ్ బాస్ కి కరోనా ఎఫెక్ట్.. ప్రారంభం మరింత ఆలస్యం?

రియాల్టీ షో లలో విపరీతమైన పాపులారిటీ సంపాదించుకున్న షో బిగ్ బాస్. తెలుగులో ఇప్పటికే మూడు సీజన్లు విజయవంతంగా పూర్తి చేసుకుంది. ఇప్పుడు నాలుగో సీజన్ కు రంగం సిద్ధం అయింది. ఇప్పటికే షో కు సంబంధించిన ప్రోమోలు విడుదల అయ్యాయి. బిగ్ బాస్ కు సంబంధించి రోజుకోరకమైన వార్తలు వైరల్ కావడమూ ప్రారంభం అయింది.

కరోనా వైరస్ వ్యాప్తి నేపధ్యంలో బిగ్ బాస్ షో కోసం అన్నిరకాల జాగ్రత్తలు తీసుకున్నారు నిర్వాహకులు. ఇప్పటికే దాదాపుగా షో లో పాల్గొనే అవకాశం ఉన్న 20 మందిని క్వారంటైన్ లో ఉంచారని చెబుతున్నారు. 14 రోజుల పాటు వీరి క్వారంటైన్ పూర్తి అయిన తరువాత మళ్ళీ వారికి కోవిడ్ పరీక్షలు జరిపి కచ్చితంగా నెగెటివ్ ఉన్నవారినే బిగ్ బాస్ హౌస్ లోకి పంపించాలనేది నిర్వాహకుల ఆలోచనగా చెబుతున్నారు. అందుకే ఎంపిక చేసిన కంటెస్టంట్ లు అందరినీ హైదరాబాద్ లోని ఓ ప్రముఖ ఫైవ్ స్టార్ హోటల్లో ఉంచి క్వారంటైన్ చేస్తున్నారని చెప్పుకుంటున్నారు. ఈ నెల 30 వతేదీన బిగ్ బాస్ శో ప్రారంభం అవుతుందనే వార్త రెండురోజులుగా చక్కర్లు కొడుతోంది. దాదాపుగా ఇదే తేదీ ఫిక్స్ అయిందని అందరూ భావిస్తూ వస్తున్నారు.

అయితే, ఇప్పుడు ఆ తేదీ మారిపోయేలా ఉందట. మరో వారం లేదా పదిరోజులు ఆలస్యంగా షో ప్రారంభం కావచ్చని తెలుస్తోంది. దీనికి కారణం.. షో కోసం అనుకున్న కంటెస్టంట్ లలో ముగ్గురికి కరోనా పాజిటివ్ రావడమే అని చెప్పుకుంటున్నారు. ఎన్నో జాగ్రత్తలతో ఎంపికలు చేసి.. కరోనా పరీక్షల్లో నెగెటివ్ వచ్చిన వారినే షో కోసం ఎంపిక చేసినా ఇప్పుడు కొంతమందికి ఇలా పాజిటివ్ రావడం నిర్వాహకులకు ఆందోళన కలిగిస్తోందని తెలుస్తోంది. ఇప్పడు షో విషయంలో మరిన్ని జాగ్రత్తలు తీసుకోవాలని డిసైడ్ అయిందట బిగ్ బాస్ బృందం.అందుకే మరో వారం పాటు శో ను వాయిదా వేయాలని భావిస్తున్నారని తెలుస్తోంది.

ఏది ఏమైనా కరోనా విషయంలో ఎన్ని జాగ్రత్తలు తీసుకున్న కొంతమంది పాజిటివ్ గా తేలడం బిగ్ బాస్ కు ఇబ్బందిగా పరినమించినట్టు తెలుస్తోంది. ఇప్పడు షో లో ఎక్కడన్నా అపశ్రుతి జరిగితే మరింత ఇబ్బంది కలిగే అవకాశాలు ఉన్నాయి. దీంతో ఇప్పుడు బయటకు వచ్చిన పేర్లు కాకుండా షో ప్రారంభం నాటికి కొంతమంది పేర్లు మరిపోవచ్చని అనుకుంటున్నారు.

బిగ్ బాస్ అంటేనె ఎప్పుడేం జరుగుతుందో చెప్పలేము అనే షో.. ఇప్పుడు షో మొదలు కాకుండానే ఎప్పుడేం జరుగుతుందో అనేది ఆసక్తిని రేకేట్టిస్తుండడం విశేషం.