OTT: ఈ సినిమా చూస్తే వెన్నులో వణుకు పుట్టాల్సిందే.. ఓటీటీలో అవికా గోర్‌ కొత్త సినిమా..!

Bloody Ishq: చిన్నారి పెళ్లి కూతరు సీరియల్‌ ద్వారా ప్రేక్షకులను అలరించిన అవికా గోర్‌. ఇప్పుడు హీరోయిన్‌గానూ కుర్రళ్ల హృదయాలను కొల్లగొడుతోంది. ఓవైపు లవ్‌ స్టోరీస్‌లో రొమాంటిక్‌గా నటిస్తూనే మరోవైపు హారర్ మూవీస్‌తో భయపెడతోంది. ఇప్పటికే పలు హారర్‌ చిత్రాల ద్వారా ప్రేక్షకులను భయపెట్టిన అవికా.. తాజాగా మరో సినిమాతో ప్రేక్షకుల ముందుకు వచ్చింది. నేరుగా ఓటీటీ స్ట్రీమింగ్ అవుతోన్న ఈ సినిమాకు సంబంధించిన పూర్తి వివరాలు ఇప్పుడు తెలుసుకుందాం.

అవికాగోర్‌ నటించిన తాజా చిత్రం బ్లడీ ఇష్క్‌. ఈ సినిమాకు దర్శకత్వం వహించింది విక్రమ్‌ భట్‌. హారర్ మూవీస్‌కు పెట్టింది పేరైన విక్రమ్‌ భట్‌ దర్శకత్వం వహించడంతో ఈ సినిమాపై భారీగా అంచనాలు పెరిగిపోయాయి. ఇదిలా ఉంటే ఈ సినిమా నేరుగా ఓటీటీలోకి స్ట్రీమింగ్‌కు వచ్చేసింది. డిస్నీ+ హాట్‌స్టార్‌ వేదికగా ఈ సినిమా స్ట్రీమింగ్ జులై 26వ తేదీ నుంచి ప్రారంభమైంది. ట్రైలర్‌తోనే అంచనాలు పెంచేసిన ఈ సినిమా ఎలా ఉందో ఇప్పుడు తెలుసుకుందాం.

ప్రస్తుతానికి ఈ సినిమా హిందీలోనే స్ట్రీమింగ్ అవుతోంది. అయితే తెలుగు డబ్బింగ్ కూడా త్వరలోనే వచ్చే అవకాశాలు ఉన్నాయని సమాచారం. ఇక ఈ సినిమాలో అవికాతో పాటు వర్దన్ పూరి, శ్యామ్ కోశోర్, జెన్నిఫర్ పిసినాటో లీడ్‌ రోల్స్‌లో నటించారు. ఈ చిత్రానికి మహేశ్ భట్, సుహ్రితా దాస్ కథ అందించారు. హరే కృష్ణ మీడియాటెక్, హౌస్‍ఫుల్ మోషన్ పిక్టర్స్ పతాకాలపై బ్లడీ ఇష్క్ చిత్రం రూపొందింది. రాకేశ్ జునేజా నిర్మాతగా వ్యవహరించారు.

కథేంటంటే..

కథ విషయానికొస్తే.. అనుకోని ఓ ఘటన కారణంగా గతం మర్చిపోయిన నేహా (అవికా)ను భర్త రోమేశ్‌ (వర్దన్‌ పూరి) స్కాట్‍ల్యాండ్‍లోని ఓ ఐల్యాండ్‍కు తీసుకెళ్తాడు. అక్కడ ఉన్న ఓ పెద్ద భవనంలో ఉంటారు. అయితే అప్పటికే ఆ భవంతిలో ఓ దెయ్యం ఉంటుంది. ఆ దెయ్యం నేహాను చంపడానికి ప్రయత్నిస్తుంటుంది. ఇంతకీ ఆ దెయ్యం కథ ఏంటి.? నేహాను ఎందుకు చంపాలనుకుంటుంది.? లాంటి వివరాలు తెలియాలంటే సినిమా చూడాల్సిందే.