Pushpa 2 Trailer Updates: పుష్ప 2 ట్రైలర్ ముహూర్తం ఫిక్స్

Pushpa 2 Trailer Date and Time: స్టైలీష్ స్టార్ అల్లు అర్జున్ పుష్ప2 సినిమా కోసం దేశ విదేశాల్లో ఉన్న సినీ ప్రియులందరూ ఎంతో ఆసక్తిగా ఎదురుచూస్తున్నారు. ఈ సినిమా ట్రైలర్ రిలీజ్ ఎప్పుడెప్పుడా అని ఆశగా చూస్తున్నారు. ఈ నేపథ్యంలో చిత్ర బృందం గుడ్ న్యూస్ చెప్పింది. ట్రైలర్ రిలీజ్‌కు ముహూర్తం ఫిక్స్ చేసింది. నవంబర్ 17 సాయంత్రం 6.03 గంటలకు రిలీజ్ చేయనున్నట్టు ప్రకటించింది. దీనితో పాటు అల్లు అర్జున్ గన్ పట్టుకున్న పోస్టర్ కూడా షేర్ చేశారు. ఈ ప్రకటన వచ్చిందో లేదో బన్నీ ఫ్యాన్స్ సంబరాలు షురూ చేశారు. ప్రస్తుతం ఈ పోస్టర్ వైరల్‌గా మారింది.

టాలీవుడ్ హీరోలు తమ పరిధిని మరింత పెంచుకునే పనిలో పడ్డారు. రామ్ చరణ్ తన గేమ్ ఛేంజర్ టీజర్‌ను యూపీ రాజధాని లక్నోలో విడుదల చేయగా.. ఇప్పుడు అల్లు అర్జున్ కూడా ఉత్తరాదిపై కన్నేశారు. పుష్ప-2 ట్రైలర్‌ను బీహార్ గడ్డపై విడుదల చేయాలని నిర్ణయించారు. ఈ మేరకు నవంబర్ 17న పాట్నాలో ట్రైలర్ విడుదల చేయనున్నట్టు అల్లు అర్జున్ సోషల్ మీడియా వేదికగా ప్రకటించారు.

అల్లు అర్జున్-సుకుమార్ కాంబోలో వచ్చిన పుష్ప చిత్రం ఎంతటి ఘన విజయం సాధించిందో ప్రత్యేకంగా చెప్పనక్కర్లేదు. ఇప్పుడు పుష్ప-2 మూవీ.. పార్ట్ 1ను మించి ఉంటుందని చిత్రయూనిట్ చెబుతోంది. ఇప్పుడు బీహార్ రాజధాని పాట్నాలో ట్రైలర్ రిలీజ్ ప్లాన్ చేయడం ద్వారా మేకర్స్ తమ పంథాను స్పష్టం చేశారు. ఆలిండియా లెవెల్లో ఓపెనింగ్స్ కొల్లగొట్టాలన్నదే వారి ఉద్దేశమని అర్థమవుతోంది. అందుకే పుష్ప 2 చిత్రాన్ని ఉత్తరాది ఆడియన్స్‌కు మరింత చేరువ చేసేలా ఈవెంట్లు ప్లాన్ చేస్తున్నట్లు తెలుస్తోంది.

మైత్రీ మూవీ మేకర్స్ బ్యానర్‌పై తెరకెక్కుతున్న ఈ భారీ చిత్రం డిసెంబర్ 5న వరల్డ్ వైడ్ గ్రాండ్‌గా రిలీజవుతోంది. ఇందులో అల్లు అర్జున్ సరసన రష్మిక మందన్న నటిస్తుండగా.. ఇక తొలిపార్టులో చివర్లో వచ్చి అదరగొట్టిన ఫహద్ ఫాజిల్.. సెకండ్ పార్టులో ఫుల్ టైమ్ కనిపించనున్నాడు. ఈ చిత్రానికి దేవీశ్రీ ప్రసాద్ సంగీతం అందిస్తున్నాడు. మరోవైపు పుష్ప 2లో స్పెషల్ సాంగ్‌ను శ్రీలీలతో తెరకెక్కిస్తుండటం కూడా మార్కెట్లో మంచి బజ్ క్రియేట్ చేస్తోంది.