Tribeca Festival: హమ్మయ్యా, ఫ్యాన్స్ ను మెప్పిస్తున్న ఆదిపురుష్..!

Adipurush: యంగ్ రెబెల్ స్టార్ ప్రభాస్ హీరోగా ఓం రౌత్ డైరెక్షన్ లో రాబోతున్న లేటెస్ట్ మూవీ ఆది పురుష్ కు సంబంధించి తాజాగా ఓ అప్ డేట్ వచ్చింది. కొన్ని రోజుల క్రితం రిలీజ్ చేసిన మూవీ టీజర్ పై తీవ్ర విమర్శలు వచ్చాయి. దీంతో స్పెషల్ ఎఫెక్ట్స్ ను మరింత మెరుగ్గా చేస్తామని మేకర్స్ హామీ ఇచ్చారు. తాజాగా ఆ హామీని నిలబెట్టుకున్నట్లు తెలుస్తోంది.

ఆదిపురుష్ మూవీ న్యూయార్క్ లో జరిగే ట్రిబెకా ఫిలిం ఫెస్టివల్ లో వరల్డ్ ప్రీమియర్ కోసం ఎంపికైంది. జూన్ 13న ఈ చిత్రాన్ని అక్కడ ప్రదర్శించబోతున్నారు. ట్రైబెకా ఫెస్టివల్ లో 36 దేశాల నుంచి ఎంపిక చేసిన చిత్రాలను ప్రదర్శిస్తున్నామంటూ నిర్వాహకులు ఓ వీడియోని రిలీజ్ చేశారు. ఈ వీడియోలో ఆదిపురుష్ సినిమాలోని చిన్నక్లిప్ కూడా ఉంది. దీన్ని గమనిస్తే వీఎఫ్ఎక్స్ గ్రాఫిక్స్ లో మార్పులు చేసినట్లు స్పష్టం అవుతోంది.

డార్లింగ్ ప్రభాస్, హీరోయిన్ కృతిసనన్ జంటగా నటిస్తున్న ఆదిపురుష్ మూవీకి సంబంధించి పోస్టర్ ను రిలీజ్ చేసిన దగ్గర్నుంచి ఏదో ఒక వివాదం చుట్టుముడుతూనే ఉంది. రాముడిగా ప్రభాస్ లుక్స్ ఆశించిన స్థాయిలో గొప్పగా లేవని, రావణాసురిడిగా సైఫ్ అలీ ఖాన్ అసలు సూట్ అవ్వలేదని తీవ్ర ఆరోపణలు వచ్చాయి. హై ఎండ్ టెక్నాలజీని ఉపయోగించినా..సినిమా టీజర్ మాత్రం ఏదో కార్టూన్ సినిమా చూసినట్లు అనిపించిందని సోషల్ మీడియాలో నెజిటన్స్ తెగ ట్రోల్ చేశారు. అయితే తాజాగా బయటకు వచ్చిన ప్రోమోలో మార్పులు జరిగినట్లు స్పష్టంగా తెలియడంతో ప్రభాస్ ఫ్యాన్స్ ఆనందం వ్యక్తం చేస్తూ..ఆ వీడియోను షేర్ చేస్తున్నారు.

ఆదిపురుష్ మూవీ 2023 సంక్రాంతికే విడుదల కావాల్సి ఉంది కానీ గ్రాఫిక్స్ పై విమర్శలు రావడంతో ఆ పనులను మళ్లీ చేయాలని మేకర్స్ నిర్ణయించుకున్నారు. దీంతో ఈ సినిమా మరింత లేట్ అయింది. తెలుగుతో పాటు తమిళం, హిందీ, కన్నడ, మలయాళ భాషల్లో రూపొందుతున్న ఆదిపురుష్ మూవీని జూన్ 16న ప్రపంచవ్యాప్తంగా విడుదలకానుంది.