Samantha: జోష్‌ మీదున్న సమంత.. వరుణ్‌తో అదిరిపోయే స్టెప్పులు..!

Samantha: గత కొన్ని రోజులుగా వ్యక్తిగత, ఆరోగ్య సమస్యలతో ఇబ్బంది పడుతోన్న సమంత ప్రస్తుతం కోలుకుంటున్నారు. మయోసైటిస్‌ వ్యాధి నుంచి క్రమంగా బయటపడుతోన్న సామ్‌లో తాజా వెబ్‌ సిరీస్‌ సిటాడెల్‌ కొత్త ఉత్సాహాన్ని నింపిందని చెప్పాలి. రాజ్‌ అండ్ డీకే దర్శకత్వం వహించిన ఈ సిరీస్‌ ప్రస్తుతం అమెజాన్‌ ప్రైమ్‌ వేదికగా స్ట్రీమింగ్ అవుతోంది. విడుదలైన తొలి రోజు నుంచి ఈ వెబ్ సిరీస్‌ టాప్‌లో కొనసాగుతోంది.

ఇదిలా ఉంటే ప్రస్తుతం సమంత సిటాడెల్‌ వెబ్‌ సిరీస్‌ సక్సెస్‌ను ఎంజాయ్‌ చేస్తోంది. స్ట్రీమింగ్ మొదలై ఇన్ని రోజులు అవుతోన్నా ఇప్పటికీ చిత్ర యూనిట్‌ ప్రమోషన్స్‌ను కొనసాగిస్తూనే ఉంది. ఇందులో భాగంగానే చిత్ర యూనిట్‌ తాజాగా సక్సెస్‌ పార్టీని నిర్వహించింది. ఇందులో సమంత చాలా ఉత్సాహంగా కనిపించింది. వరుణ్ ధావన్‌తో కలిసి స్టెప్పులు వేసింది.

గురువారం జరిగిన ఈ సక్సెస్‌ పార్టీలో సిటడెల్‌ చిత్ర యూనిట్‌ మొత్తం సందడి చేసింది. వరుణ్‌ ధావన్‌ అప్‌కమింగ్‌ మూవీ 'బేబీ జాన్‌' మూవీ నుంచి వచ్చిన 'నైన్‌ మటక్కా' పాటకు అదిరిపోయే స్టెప్పులు వేశారు. ఆ పాట హుక్‌ స్టెప్స్‌ వేసి సందడి చేశారు. ప్రస్తుతం ఈ వీడియో సోషల్‌ మీడియాలో తెగ వైరల్‌ అవుతోంది. ఈ వీడియో చూసిన సమంత ఫ్యాన్స్‌ ఖుషీ అవుతున్నారు. సామ్‌ ఇలా సంతోషంగా ఉండి చాలా రోజులైంది అంటు కామెంట్స్‌ చేస్తున్నారు.

ఇదిలా ఉంటే.. ఈ పార్టీకి సంబంధించిన ఫొటోలను ఇన్‌స్టాగ్రామ్‌ వేదికగా పంచుకున్న సమంత ఆసక్తికరమైన క్యాప్షన్‌ రాసుకొచ్చింది. ‘అందమైన వ్యక్తులతో గడిపిన అందమైన సాయంత్రం . నా మనసంతా ఆనందం, కృతజ్ఞతతో నిండిపోయింది’ అంటూ రాసుకొచ్చింది. దీంతో ఈ ఫొటోలు నెట్టింట వైరల్‌ అవుతున్నాయి.