prabhas: ప్రభాస్ ని తెలుగు హీరో అనడం సరికాదు.. స్టార్ హీరో ఆసక్తికర వ్యాఖ్యలు

యంగ్ రెబల్ స్టార్ ప్రభాస్ రేంజ్ ఏంటో ప్రత్యేకంగా పరిచయం చేయాల్సిన పని లేదు. తెలుగు సినిమా స్థాయిని, ఆ మాటకొస్తే భారతీయ సినిమాను అంతర్జాతీయ స్థాయికి తీసుకెళ్లిన ఘనత ప్రభాస్ ది. బాహుబలితో మొదలైన ప్రభాస్ ప్రభంజనం, కల్కితో పీక్స్ కి వెళ్ళింది. ఇప్పడు ప్రభాస్ నుంచి ఏదైనా సినిమా వస్తుందంటే చాలు రూ. వెయ్యి కోట్లు రాబట్టడం ఖాయమని అంచనాకు వస్తున్నారు.

కాగా ఇలాంటి స్టార్ డమ్ ఉన్న హీరోపై బాలీవుడ్ నటుడు అర్షద్ వార్సీ అభ్యంతకర వ్యాఖ్యలు చేసి చర్చకు దారి తీసిన విషయం తెలిసిందే. కల్కి చిత్రంలో ప్రభాస్ జోకర్ లా ఉన్నాడంటూ చేసిన వ్యాఖ్యలపై చాలా మంది మండిపడ్డారు. ప్రభాస్ స్థాయి ఏంటో తెలిసి కూడా ఇలాంటి వ్యాఖ్యలు చేస్తారా అంటూ అభిమానులే కాదు, సెలబ్రిటీలు కూడా ఖండించారు. ప్రభాస్ కు మద్దతు తెలుపుతూ ట్వీట్స్ చేశారు.

ఇదిలా ఉంటే తాజాగా కోలీవుడ్ స్టార్ హీరో విక్రమ్ ప్రభాస్ పై ప్రశంసల జల్లు కురిపించారు. ప్రభాస్ ఇప్పుడు ఇండియాలోనే బిగ్గెస్ట్ సూపర్ స్టార్ అంటూ కీర్తించారు. ప్రభాస్ ను తెలుగు హీరో అనడం సరికాదు అంటూ వ్యాఖ్యానించారు. దీంతో ప్రభాస్ పై కొన్ని రోజులుగా జరుగుతోన్న విమర్శలకు చెక్ పెట్టినట్లు అయ్యింది. ఇక నటి మాళవిక మాట్లాడుతూ ప్రభాస్ కలిసి నటించే అవకాశం రావడం చాలా ఆనందంగా ఉందని చెప్పుకొచ్చింది.

కాగా ప్రభాస్ సినిమాల విషయానికొస్తే.. ప్రస్తుతం రాజా సాబ్ తో పాటు, స్పిరిట్, కల్కి 2, సలార్ 2 చిత్రాల్లో నటిస్తున్న విషయం తెలిసిందే. ఇక ఇటీవలే హను రాఘవపూడి దర్శకత్వంలో ఓ సినిమాను ప్రారంభించారు ప్రభాస్. ఈ సినిమాను యుద్ధం నేపథ్యంలో తెరకెక్కించనున్నారు.