18 Years for Megastar Indra Movie : మెగాస్టార్ 'ఇంద్ర' కి 18 ఏళ్ళు!

18 Years of Megastar Indra Movie :గ్యాంగ్ లీడర్ , ఘరానా మొగుడు సినిమాల తర్వాత చిరంజీవి ఇండస్ట్రీ హిట్ కొట్టి చాలా రోజులైంది. అంతేకాకుండా చిరంజీవి నుంచి మంచి మాస్ సినిమా వచ్చి కూడా చాలా రోజులైంది. అభిమానులకి ఈ సారి హిట్ కాదు. ఇండస్ట్రీ హిట్ కావాలి. కొడితే బాక్స్ ఆఫీస్ షేక్ అయిపోవాలి. ఈ తరుణంలో దర్శకుడు జయంత్ తో ఓ సినిమాని కమిట్ అయ్యాడు చిరంజీవి.. కానీ అది ఓ ఫ్యామిలీ స్టొరీ.. నో ఈ టైంలో చేయాల్సింది పక్కా మాస్ మూవీ అనుకోని ఆ కథను పక్కన పెట్టేసి సీ అశ్వినీదత్ ని కాంటాక్ట్ అయ్యాడు చిరు..

అప్పటికే అశ్వినీదత్ కి మంచి టచ్ లో ఉన్న చిన్ని కృష్ణను కథ అడగగా రాయలసీమ, కాశీ నేపధ్యంలో ఓ కథను వినిపించారు.కథకి ఫిదా అయిపోయిన చిరు ఇది తనకి సూట్ అవుతుందా లేదా అని ముందుగా అనుమానపడ్డారట.. ఆ తర్వాత కథను డెవలప్ చేసే పనిని మెగాస్టార్ తన ఆస్థాన రచయితలు పరిచురి బ్రదర్స్ కి అప్పగించారు. అయితే ఈ కథను జయంత్ హ్యాండిల్ చేస్తాడా.. లేదు అనుకోని ఫ్యాక్షన్ మూవీస్ స్పెషాలిట్ బి గోపాల్ ని తీసుకున్నారు. అంతకుముందు చిరంజీవి బి గోపాల్ కాంబినేషన్ లో మెకానిక్ అల్లుడు సినిమా వచ్చింది కానీ అనుకున్నంతగా సక్సెస్ కాలేదు.

అయితే ఈ సారి పక్కా ఫ్యాక్షన్ మూవీ కావడంతో బి. గోపాల్ పక్కా హిట్ అని కాన్ఫిడెంట్ గా ఉన్నాడు. ఇక సినిమా మొత్తాన్ని ఫినిష్ చేసి 24 జూలై 2002 న విడుదల చేయగా సినిమాకి ఎక్కడలేని క్రేజ్ వచ్చి బ్లాక్ బస్టర్ హిట్ గా నిలిచింది. నేటితో ఈ సినిమాకి 18 ఏళ్ళు పూర్తి అయిపోయాయి. సో ఈ సందర్భంగా సినిమాకి సంబంధించిన కొన్ని ఆసక్తికరమైన విషయాలను తెలుసుకుందాం..

♦ ముందుగా ఈ సినిమాకి సిమ్రాన్ ని హీరోయిన్ గా తీసుకుందాం అని అనుకున్నారు. ఆ తర్వాత ఏమైందో కానీ ఆర్తి అగర్వాల్ ని తీసుకున్నారు. మరో హీరోయిన్ గా సోనాలి బింద్రేని ఫైనల్ చేశారు.

♦ ఇక శివాజీ పాత్రకు ముందుగా వెంకట్ , రాజా మొదలుగు వారిని అనుకున్నారు కానీ ఆ పాత్ర శివాజీకి దక్కింది.

♦చిరంజీవి రెమ్యునరేషన్ ని పక్కన పెడితే ఈ సినిమాకి అయున బడ్జెట్ ఏడూ కోట్లు..

♦చిరంజీవి, వైజయంతి బ్యానర్ లో మూడో సినిమా.. అంతకుముందు జగదేక వీరుడు అతిలోక సుందరి, చూడాలని ఉంది సినిమాలు వచ్చాయి. ఇక ఇంద్రతో హ్యాట్రిక్ కొట్టి సక్సెస్ ఫుల్ కాంబినేషన్ అని నిరూపించారు.

♦మొత్తం 120 రోజుల్లో సినిమాని ఫినిష్ చేశారు.

♦మొత్తం పదకొండు పాటలకి చేయగా అందులో అయిదు పాటలని ఒకే చేశారు. ఇందులో అయ్యో అయ్యో సాంగ్ ని మణిశర్మ అందుబాటులో లేకపోవడంతో ఆర్పీ పట్నాయక్ తో మ్యూజిక్ చేయించుకున్నారు.

♦ మొత్తం 268 స్క్రీన్‌లలో ఇంద్ర సినిమాని రిలీజ్ చేశారు. ఇందులో 151 కేంద్రాల్లో 50 రోజులు,98 కేంద్రాల్లో 100 రోజులు, 32 కేంద్రాలలో 175 రోజులు ఆడింది.

♦ఇక అడోనిలోని సత్యం థియేటర్‌లో 227 రోజులు పాటు ఆడింది ఇంద్ర సినిమా..

♦మొత్తం ఈ సినిమాకి మూడు క్యాటగిరిలలో నంది అవార్డులు వచ్చాయి.

ఉత్తమ నటుడు - చిరంజీవి

ఉత్తమ కొరియోగ్రాఫర్ - రాఘవ లారెన్స్ - "ధాయ్ ధాయి ధామా"

ఉత్తమ పురుష డబ్బింగ్ ఆర్టిస్ట్ - పి రవి శంకర్

♦ఫస్ట్ వీక్ 40 కోట్లు వసూళ్ళు సాధించిన తొలి తెలుగు సినిమా ఇంద్ర కావడం విశేషం.. ఆ తర్వాత పోకిరి సినిమా దీనిని బ్రేక్ చేసింది.

♦విజయవాడలో 175 రోజుల ఫంక్షన్ చేశారు. అప్పటి ముఖ్యమంత్రి చంద్రబాబు దీనికి చీఫ్ గెస్ట్.

♦ఈ చిత్రాన్ని హిందీలోకి "ఇంద్ర: ది టైగర్" గా, బెంగాలీలో సుల్తాన్ గా రీమేక్ చేశారు.

♦మొత్తం ఈ సినిమా 55 కోట్ల బాక్స్ ఆఫీస్ కలెక్షన్లు కొల్లగొట్టిందని అంచనా..