ఆక్సిడెంట్ వివాదంపై క్లారిటీ ఇచ్చిన 'నువ్వు తోపురా' హీరో

'నువ్వు తోపురా' అనే సినిమాలో హీరో కనిపించబోతున్న సుధాకర్ కోమాకుల ఈమధ్యనే కార్ యాక్సిడెంట్ కి గురయ్యారు. తాజాగా ఆదివారం నాడు హైదరాబాద్ ఫిలింఛాంబర్ లో జరిగిన కార్యక్రమంలో చిత్రయూనిట్ ఈ ప్రమాదంపై క్లారిటీ ఇచ్చింది. ఈ ప్రమాదంపై తప్పుడు ప్రచారం జరగడం వల్ల సినిమా కి డ్యామేజ్ జరిగిందని అన్నారు. రెండేళ్ల పాటు తాము పడ్డ కష్టాన్ని మట్టిలో కలిపే ప్రయత్నం చేశారని ఆవేదన చెందారు దర్శకుడు హరినాథ్ బాబు. "మే 3న మా సినిమా విడుదలవుతోంది. ప్రమోషన్స్ కోసం గుంటూరు వెళుతున్న సమయం లో మంగళగిరి వద్ద కారు ప్రమాదానికి గురైంది. హీరో సహా కొందరు యూనిట్ సభ్యులు గాయాలపాలయ్యారు." అని అన్నారు దర్శకుడు.

"కారు ఢీకొని లక్ష్మి అనే ఒక కార్మికురాలు మృతిచెందారు. మా తప్పు లేకపోయినా ఓ నిండు ప్రాణంపోవడం మమ్మల్ని కలిచివేసింది. తనకు ఆర్థికంగా సాయం తప్పకుండా చేస్తాము." అని హామీ కూడా ఇచ్చారు దర్శకుడు. "సీటు బెల్ట్ పెట్టుకోకపోవడం వల్లనే డ్రైవర్ కి తీవ్ర గాయాలయ్యాయి. అతడి పక్క సీట్ లో సుధాకర్ కూర్చుకున్నారు. ఏం జరిగిందో తెలుసుకోకుండా హీరో కారు నడుపుతున్నాడని వార్తలు రాశారు." అని వాపోయారు. "నా జీవితంలో అత్యంత బాధాకరమైన రోజు ఇది. మా కారు ట్రాక్టర్ ను ఢీకొంది. తప్పుడువార్తలు చూసి అమెరికాలో ఉన్న నా భార్య బాధపడింది. ఇలాంటి వార్తాలతో మా కుటుంబాల్ని ఇబ్బంది పెట్టవద్దు" అని వాపోయారు సుధాకర్.