ఓ ఇంటివాడు కాబోతున్న కలర్ ఫొటో దర్శకుడు.. వధువు ఎవరో తెలుసా?

Sandeep Raj and Chandini Rao engagement photos : కలర్ ఫొటో సినిమాతో దర్శకుడిగా మంచి గుర్తింపు తెచ్చుకున్న సందీప్ రాజ్ త్వరలోనే ఓ ఇంటి వాడు కాబోతున్నారు. నటి చాందిని రావుతో సందీప్ రాజ్ నిశ్చితార్థం జరిగింది. దీనికి సంబంధించిన ఫొటోలు సోషల్ మీడియాలో అందరి దృష్టిని ఆకర్షిస్తున్నాయి. కలర్ ఫొటోతో దర్శకుడిగా పరిచయమై తొలి చిత్రంతోనే జాతీయ పురష్కారం అందుకున్న యంగ్ అండ్ టాలెంటెడ్ ఆర్టిస్ట్ సందీప్ రాజ్. ఆయన పని చేసిన సినిమాలోనే హీరోయిన్ గా నటించిన ఓ బ్యూటీని త్వరలో పెళ్లి చేసుకోబోతున్నారు సందీప్ రాజ్.

ఒకవైపు రైటర్, యాక్టర్, ప్రొడ్యూసర్, డైరెక్టర్ గా అన్ని విభాగాల్లోనూ అదరగొడుతున్నాడు. కలర్ ఫొటో తర్వాత ఎక్కువగా ఓటీటీ సినిమాలకు, సిరీస్ లకు రైటర్ అవతారమెత్తారు. అయితే సందీప్ రాజ్ త్వరలోనే బ్యాచిలర్ లైఫ్ కి గుడ్ బై చెప్పనున్నారు.

పలు యూట్యూబ్ షార్ట్ ఫిలిమ్స్ తో పాటు పలు సినిమాల్లో హీరోయిన్ గా నటించిన చాందిని రావు అనే నటిని ప్రేమించి పెళ్లి చేసుకోబోతున్నాడు. వీరిరువురి నిశ్చితార్థం నవంబర్ 11న గ్రాండ్ గా జరిగింది. నిశ్చితార్థంకు సంబంధించిన ఫొటోలను సందీప్, చాందినీ తమ ఇన్ స్టాలో షేర్ చేశారు. ప్రస్తుతం వీరి ఫొటోలు సోషల్ మీడియాలో వైరల్ అవుతున్నాయి.

సందీప్, చాందిని ఎంగేజ్మెంట్ వైజాగ్ బీచ్ రిసార్ట్ లో జరిగినట్టు సమాచారం. డిసెంబర్ 7న తిరుమల తిరుపతి దేవస్థానం నందు ఇరువురి పెద్దల సమక్షంలో ఈ జంట పెళ్లి చేసుకోబోతున్నట్లు తెలుస్తోంది.

సందీప్ రాజ్ తీసిన కలర్ ఫొటో, హెడ్స్ అండ్ టేల్స్ వెబ్ సిరీస్ లో చాందిని నటించింది. చాందిని-సందీప్ నాలుగేళ్ల నుంచి డేటింగ్ చేస్తున్నారట. షార్ట్ ఫిలిమ్స్ నుంచి స్టార్ట్ అయిన వీరి స్నేహం ప్రేమగా మారింది. దీంతో వీరిద్ధరి పెళ్లి ఫిక్స్ చేశారు పెద్దలు. ఇక త్వరలో మూడుముళ్లతో ఒక్కటవ్వబోతున్నారు.

సందీప్ రాజ్ సినిమాల విషయానికొస్తే ఎన్నో మంచి షార్ట్ ఫిల్మ్స్ చేసి సినిమాల్లోకి అడుగుపెట్టాడు. సందీప్ డైరెక్ట్ చేసిన కలర్ ఫొటో సూపర్ హిట్ అయింది. ఈ సినిమా ఇటు మ్యూజికల్ గా అటు కమర్షియల్ గా మంచి హిట్ అందుకుంది. అంతేకాకుండా సందీప్ రాజ్ కి నేషనల్ అవార్డు తెచ్చిపెట్టింది. సందీప్ రాజ్ ప్రస్తుతం సుమ కనకాల తనయుడు రోషన్ కనకాలతో మోగ్లీ అనే చిత్రాన్ని తెరకెక్కిస్తున్నాడు