Live Updates: ఈరోజు (మే-29-శుక్రవారం) ఆంధ్రప్రదేశ్-తెలంగాణా బ్రేకింగ్ న్యూస్!

తెలంగాణలో కొత్తగా 169 కేసులు..

-ఈ రోజు అత్యధికంగా 169 కేసులు నమోదయ్యాయి.

-వీటిలో ఒక్క జీహెచ్‌ఎంసీ పరిధిలోనే 82 కేసులు వెలుగు చూశాయి.

-రంగారెడ్డి జిల్లాలో 14, మెదక్‌ 2, సంగారెడ్డి జిల్లాలో 2 చొప్పున కేసులు నమోదయ్యాయి.

-దేశాల నుంచి వచ్చిన వారిలో 64 మందికి కరోనా పాజిటివ్ నిర్ధారణ అయ్యింది.

-ఇప్పటివరకు కరోనాతో పోరాడి 71 మంది మరణించారు.  

ఆంధ్రా లో రోజు రోజుకు ఎరులై పారుతున్న తెలంగాణ మద్యం

-పోలీస్ వారు ఎన్ని కేసులు పెట్టినా ఎంత మందిని అదుపులోకి తీసుకున్న మారని మద్యం మాఫియా.

-ఖరీదైన కార్లలో అక్రమంగా మద్యం తరలింపు.

-ఈ రోజు ఒక్క రోజే పోలీసుల అదుపులోకి తెలంగాణా రాష్ట్రం నుండి ఆంధ్రాలోనికి మద్యం సరఫరా చేస్తున్న 42 మంది వ్యక్తులు.

-వారి వద్ద నుండి 670 మద్యం బాటిల్లను స్వాధీనం చేసుకున్న పోలీసులు.

-నందిగామ మండలం తొర్రగుడిపాడు వద్ద ఒక కారులో సుమారు లక్ష రూపాయల విలువైన మద్యం లభ్యం.

-ఈ రోజు తనిఖీల్లో అక్రమ మద్యం పై 28 కేసులు నమోదు.

-మొత్తం 19 ద్వీచక్ర వాహనాలను, నాలుగు కార్లను సీజ్ చేసిన పోలీసులు.

తూర్పు మధ్య అరేబియా సముద్రంలో అల్పపీడనం

-72 గంటల్లో అల్పపీడనం వాయుగుండంగా మారే అవకాశం.

-జూన్ 1న కేరళలోకి నైరుతి రుతుపవనాలు ప్రవేశించే అవకాశం.

-తమిళనాడు, తెలంగాణ మీదుగా ఉపరితల ద్రోణి.

-తెలంగాణాలో రేపు, ఎల్లుండి పలుచోట్ల ఉరుములతో కూడిన వర్షాలు పడే అవకాశం.

-మరో వైపు ఆంధ్రప్రదేశ్ లో కూడా తేలికపాటి జల్లులు కురిసే అవకాశం. 

చోడవరం రైతు బజార్​లో ఉద్రిక్తత

చోడవరం: మూడు కోట్ల రూపాయలతో ప్రారంభించిన రైతుబజార్ నిర్మాణ పనులు ఆసంపూర్తిగా నిలిచిపోయాయి. తాజాగా... మార్కెటింగ్ శాఖ తమ పరిధిలో ఉన్న మార్కెట్ యార్డుల్లో కూరగాయలు, పండ్లు అమ్మకాలు జరిపేలా ఉత్తర్వులు జారీ చేసింది. ఈ ఆదేశాల ప్రకారం రైతుబజార్​ను ఖాళీ చేయిస్తున్న పోలీసులకు వ్యాపారుల నుంచి తీవ్ర వ్యతిరేకత వ్యక్తమైంది. తాము ఎక్కడికీ వెళ్లేది లేదంటూ.. ఈ రైతుబజార్​లోనే విక్రయాలు జరుపుతామని స్పష్టం చేశారు.

సుధాకర్ కేసులో నేటి నుంచి సీబీఐ దర్యాప్తు

విశాఖపట్నం: వైద్యుడు సుధాకర్ కేసును విశాఖ సీబీఐ దర్యాప్తు చేయనుంది. దర్యాప్తులో భాగంగా... ఇవాళ్టి నుంచే విచారణ, వాంగ్మూలాల సేకరణ మెుదలుపెట్టనుంది. విశాఖ సిటీ పోలీసులతో పాటు... మానసిక ఆస్పత్రి వైద్యులను సైతం కేంద్ర దర్యాప్తు సంస్థ అధికారులు విచారించనున్నారు. వైద్యుడు సుధాకర్‌ను కలసి విచారణ చేసి... వాంగ్మూలం సేకరించనున్నారు.

వైద్య పరీక్షలు నిర్వహించాలని బాధిత గ్రామస్థుల నిరసన

విశాఖపట్నం: ఎల్‌జీ పాలిమర్స్‌ బాధిత గ్రామాలు వెంకటాపురం, నందమూరి నగర్ వాసులు నిరసనకు దిగారు. ఇళ్లలోనే ఉండి ప్లకార్డులతో ఆందోళన చేస్తున్నారు. వైద్య పరీక్షలు నిర్వహించి, వైద్య సేవలు అందించాలని గ్రామస్థులు డిమాండ్ చేస్తున్నారు.

విశాఖ : హైదరాబాదు నుంచి విమానంలో విశాఖ చేరిన సీపీఐ రాష్ట్ర కార్యదర్శి రామకృష్ణ.

-గోపాలపట్నం ఎల్జీ పాలిమర్స్ బాధితులను పరామర్శించేందుకు వెళ్తున్న రామకృష్ణ.

-నిలిపివేసిన పోలీసులు.

వీఎం ఆర్డీఏలో మరో 13 మండలాలు విలీనం

విశాఖ మెట్రో రీజియన్ డవలప్ మెంట్ అధారిటీ (VMRDA)లో విశాఖ జిల్లాలోని మరో 13 మండలాలను కలిపేందుకు మున్సిపల్ అండ్ అర్భన్ డవలప్ మెంట్ కు ప్రతిపాదనలు పంపినట్టు VMRDA చైర్మన్ ద్రోణంరాజు శ్రీనివాస్ చెప్పారు. పాయకరావుపేట నియోజకవర్గంలో ఒక మండలం, నర్సీపట్నంలో నాలుగు, చోడవరంలో నాలుగు, మాడుగులలో నాలుగు మండలాలకు విస్తరించేందుకు ప్రతిపాదనలు పంపామన్నారు. ప్రభుత్వ ఆదేశాను సారం ఇది విలీనమైతే వీఎం ఆర్డీఏ నిబంధనలకు అనుగుణంగా సేవలు అందుబాటులోకి వస్తాయని ఆయన చెప్పారు.

సికింద్రాబాద్ లో భారీ అగ్నిప్రమాదం 

బోయిన్ పల్లి..బాపూజీ నగర్ లో ఘటన

అగ్నికీలల్లో 100 కు పైగా గుడిసెలుమంటలను అదుపుచేస్తున్న అగ్నిమాపక సిబ్బంది.