Live Updates:ఈరోజు (జూలై-12) ఆంధ్రప్రదేశ్-తెలంగాణా బ్రేకింగ్ న్యూస్!

శంషాబాద్ వద్ద కంటేనర్‌లో చేలరేగిన మంటలు

రంగారెడ్డి జిల్లా బెంగుళూరు హైవే పై శంషాబాద్ మండలం లో ఓకే కంటైనర్ లో మంటలు చెలరేగాయి. అది గమనించిన డ్రైవర్ కంటైనర్ ను రోడ్ పక్కన పార్క్ చేసి స్థానిక పోలీసులకు సమాచారం ఇచ్చాడు. వారు ఫైర్ సిబ్బందిని రప్పించి మంటలను అదుపు చేసారు. బెంగుళూరు నుంచి మైక్రో ల్యాబ్ కు సంబందించిన ట్యాబు లేట్ లోడ్ తో వెళ్తున్నట్లు గా డ్రైవర్ తెలిపాడు.

మాస్కు ధరించకుంటే జరిమానా కట్టాల్సిందే

ఘంటసాల: కరోన నేపథ్యంలో ప్రజలు మాస్కులు ధరించి బయటకు రావాలని లేకపోతే జరిమానా కట్టాల్సి వస్తుందని ఘంటసాల ఎస్ఐ టి.రామకృష్ణ తెలిపారు.

- ఘంటసాల సెంటర్లో లాక్ డౌన్ కారణంగా ఉన్నతాధికారుల ఆదేశాల మేరకు ఆదివారం షాపులన్ని మూసివేశారు.

- ఈ సందర్భంగా ప్రధాన సెంటర్ లో పోలీసులు తనిఖీలు నిర్వహించి మాస్కులు ధరించిన వాహనదారులకు, నిబంధనలు అతిక్రమించిన వారికి జరిమానా విధించింది కౌన్సెలింగ్ ఇచ్చారు.

- కరోన కట్టడికి పోలీసులకు, అధికారులకు ప్రజలు సహకరించాలని ఎస్ ఐ రామకృష్ణ కోరారు.

పశ్చిమ గోనగూడెంలో వైద్య శిబిరం ఏర్పాటు

కోరుకొండ: కోరుకొండ మండలం పశ్చిమగోన గూడెంలో ఆదివారం మెడికల్ క్యాంప్ ఏర్పాటు చేసినట్లు గ్రామ కార్యదర్శి కనకదుర్గ తెలియజేశారు.

- గ్రామంలో ఒకరికి కరోనా పాజిటివ్ నమోదు కావడంతో ముందస్తు చర్యల్లో భాగంగా క్యాంప్ ఏర్పాటు చేశామని తెలిపారు. ఇప్పటికే శానిటేషన్ చర్యలు తీసుకున్నట్లు ఆమె వివరించారు.

ఆటోను ఢీకొట్టిన లారీ, ముగ్గురి దుర్మరణం

- వ్యవసాయం చేసుకుంటూ.. వచ్చిన పంటను అమ్ముకొని కాలం వెళ్లదీస్తున్న వారికి లారీ రూపంలో వచ్చిన మృత్యువు.. వారి పాలిట యమపాశమైంది.

- అనంతపురం జిల్లాలో ఘోర రోడ్డు ప్రమాదం జరిగింది. జిల్లాలోని బత్తలపల్లి మండల కేంద్రం సమీపంలో ఆటోను లారీ ఢీకొట్టిన ఘటనలో ముగ్గురు మృత్యువాత పడ్డారు.

- పూర్తి వివరాలు 

ఏపీలో భారీగా పెరుగుతున్న కరోనా కేసులు

- ఆంధ్రప్రదేశ్ లో కరోనా కేసులు రోజురోజుకు పెరుగుతూనే ఉన్నాయి.

- గత 24 గంటల్లో మొత్తం 17,624 నమూనాలను పరీక్షించగా 1,914 మందికి కోవిడ్-‌19 నిర్ధారణ అయింది.

- అయితే గతంలో కరోనా భారిన పడిన 846 మంది సంపూర్ణ ఆరోగ్యంతో కోలుకొని డిశ్చార్ట్‌ అయ్యారు.

- రాష్ట్రంలో 11,071 మంది ప్రభుత్వ ఆసుపత్రులలో చికిత్స పొందుతున్నారు.

- 2,357 మంది వివిధ జిల్లాల్లోని కోవిడ్‌ కేర్‌ సెంటర్స్‌ లో చికిత్స పొందుతున్నారు.

- పూర్తి వివరాలు 

టీటీడీ సిబ్బందిలో 91 మందికి కరోనా!

- టీటీడీలో పని చేస్తున్న 98 మందికి కరోనా సోకింది.

- ఈ విషయాన్ని టీటీడీ ఈఓ అనిల్ కుమార్ సింఘాల్ స్పష్టం చేశారు. దీనితో ఉద్యోగులకి మరిన్ని ఎక్కువ టెస్టులు చేయాలనీ అధికారులకి సూచించినట్టుగా అయన వెల్లడించారు.

- అయితే అనంతపురం, కడప జిల్లాలకు చెందిన ఎస్పీఎఫ్ సిబ్బంది సెలవులకి వెళ్లి తిరిగి రావడంతో టీటీడీలో కరోనా సోకిందని అయన అన్నారు.

- పూర్తి వివరాలు 

కృష్ణమ్మకు వరద.. నిండుతున్న ప్రాజెక్టులు

- భారీ వర్షాల కారణంగా కృష్ణా బేసిన్ లోని ప్రాజెక్టులన్నీ వరద నీటితో కళకళలాడుతున్నాయి.

- ఒక పక్క కరోనా వైరస్ వ్యాప్తితో ప్రజలంతా ఆందోళనలో ఉన్నా, ఈ ప్రాజెక్టులన్నీ నిండుతుతండటంతో రైతులు ఆనందం వ్యక్తం చేస్తున్నారు.

- కృష్ణమ్మ పరుగులు పెడుతోంది. బిరబిరా ప్రవహిస్తోంది. క‌ృష్ణా నదిలోకి వరద ప్రవాహం పెరుగుతోంది.

- పూర్తి వివరాలు