Liver Health: ఈ ఆహారాలు లివర్​కి మిత్రులు.. డైట్​లో చేర్చుకుంటే ఎలాంటి సమస్యలు ఉండవు..!

Liver Health: మానవ శరీరంలో లివర్​ ప్రధాన అవయవం. ఇది శరీరంలో చాలా రకాల పనులు జరగడానికి సహకరిస్తుంది. కానీ కొన్ని చెడు అలవాట్ల వల్ల ఇది దెబ్బతింటుంది. దీంతో సరిగ్గా పనిచేయక లివర ఫెయిల్యూర్​ జరుగుతుంది. అందుకే లివర్​ ఆరోగ్యం కాపాడుకోవాల్సిన బాధ్యత మనపైనే ఉంటుంది. కొన్ని రకాల ఆహారాలు తినడం వల్ల లివర్​ని జాగ్రత్తగా కాపాడుకోవచ్చు. అందుకే వీటిని కచ్చితంగా డైట్​లో చేర్చుకోవాల్సిన ఆవశ్యకత ఉంది. వాటి గురించి ఈ రోజు తెలుసుకుందాం.

లివర్​ ఆరోగ్యంగా ఉండాలంటే వెజ్​తో పాటు నాన్​వెజ్​ కూడా అవసరమే. వెజ్​లో ఆకు కూరలు, కాయ కూరలను ఎక్కువగా తీసుకోవాలి. ముఖ్యంగా బచ్చలికూర వంటి ఆకుకూరలో క్లోరోఫిల్​ ఎక్కువగా ఉంటుంది. ఇది డిటాక్సేషన్ కోసం అలాగే లివర్​ పనితీరుని మెరుగుపరిచేందుకు ఉపయోగపడుతుంది. ఇవే కాక కూరగాయల్లోని యాంటీఆక్సిడెంట్లు శరీరానికి చాలా మేలు చేస్తాయి. బ్రోకలి లివర్​లోని విష పదార్థాలను తొలగిస్తుంది. ఇందులో గ్లూకోసినోలేట్స్‌ అనే సమ్మేళనం ఉంటుంది. ఇది ఆహారంలోని హానికరమైన పదార్థాలను విచ్ఛిన్నం చేసి లివర్​ని ఆరోగ్యంగా ఉంచుతుంది.

గుమ్మడి, పుచ్చకాయ విత్తనాలు, బాదం, జీడిపప్పు, వాల్నట్స్‌ వంటివి తీసుకోవడం వల్ల కూడా లివర్​కి మంచి జరుగుతుంది. వీటిల్లోని ఒమేగా 3 ఫ్యాటీ యాసిడ్స్‌ ఉంటాయి. ఇవి లివర్​ పనితీరుని మెరుగుపరుస్తాయి. వెల్లుల్లి లివర్​ని కాపాడుతుంది. ఇందులోని ఉండే సల్ఫర్ సమ్మేళనాలు కాలేయ ఎంజైములను సక్రియం చేసి టాక్సిన్స్‌ను తొలగిస్తాయి. చేపల్లోని కొవ్వు లివర్​ ఆరోగ్యాన్ని మెరుగుపరచడంలో సహాయపడుతుంది. సాల్మన్, సార్డినెస్‌ చేపల్లో ఓమేగా 3 పుష్కలంగా ఉంటుంది. ఇది లివర్​ ఆరోగ్యానికి అత్యంత అవసరమయ్యే పోషకం. అందుకే అప్పుడప్పుడు చేపలు కూడా తినాలి.