Health Tips: మీ పోపుల పెట్టెలోని ఈ గింజలు షుగర్, బీపీలపై రామబాణం..ఎలా వాడాలంటే..?

మన భారతీయ వంటల్లో వాడే పోపుల పెట్టెలో ఎన్నో వ్యాధులకు పరిష్కారం లభిస్తుంది. వాము, జీలకర్ర, పసుపు ఇలా దేనికదే ఔషధ గుణాలను కలిగి ఉంటుంది, అలాగే మెంతుల్లో కూడా అనేక ఔషధ గుణాలు ఉన్నాయి. ఆయుర్వేదంలో కూడా మెంతుల గురించి చాలా ప్రత్యేకంగా పేర్కొన్నారు. మెంతులను రాత్రి నీటిలో నానబెట్టి, ఉదయం క్రమం తప్పకుండా ఆ నీటిని తాగడం వల్ల ఆరోగ్యానికి చాలా మేలు జరుగుతుంది. మెంతి గింజల్లో ఐరన్, కాల్షియం, మెగ్నీషియం, విటమిన్ ఎ, బి వంటి పోషకాలు పుష్కలంగా లభిస్తాయి. మెంతులను రోజూ తీసుకోవడం వల్ల అనేక రకాలుగా ఆరోగ్యానికి మంచిది. రోజూ ఉదయాన్నే ఖాళీ కడుపుతో నానబెట్టిన మెంతుల నీరు తాగడం వల్ల అనేక లాభాలు కలుగుతాయి.

కడుపు ఆరోగ్యానికి మంచిది

మెంతులు శరీరం నుండి టాక్సిన్లను తొలగించడంలో సహాయపడతాయి. దీని వల్ల కిడ్నీ కూడా ఆరోగ్యంగా ఉంటుంది. జీర్ణశక్తి బాగుంటే ఆరోగ్యం బాగుంటుంది. మొటిమలు లేదా జుట్టు రాలడం సమస్య ఉంటే మెంతులను నానబెట్టి పేస్ట్ లా చేసి మొటిమల మీద రాసుకుంటే మేలు జరుగుతుంది. మెంతుల గుజ్జును జుట్టుకు రాసుకుంటే జుట్టు బలంగా మారడమే కాకుండా త్వరగా నెరిసిపోదు.

డయాబెటిస్‌లో ప్రయోజనాలు

మెంతులను ఉదయం, సాయంత్రం తాగడం వల్ల మధుమేహ వ్యాధిగ్రస్తులకు మేలు జరుగుతుంది. ఇందులో ఉండే కరిగే ఫైబర్ రక్తంలో చక్కెర స్థాయిని నియంత్రిస్తుంది. ఇది టైప్ 2 డయాబెటిక్ రోగులలో ఇన్సులిన్ నిరోధకతను తగ్గించడంలో కూడా సహాయపడుతుంది. నేషనల్ లైబ్రరీ ఆఫ్ కాంగ్రెస్ ప్రచురించిన జర్నల్ ఆఫ్ డయాబెటీస్ అండ్ మెటబాలిక్ డిజార్డర్స్‌లోని ఒక అధ్యయనంలో మెంతులు నీటిని రోజూ తాగడం వల్ల టైప్ 2 డయాబెటిస్‌ను నియంత్రించవచ్చని రుజువు చేసింది.

బీపీ తగ్గిస్తుంది

అధిక రక్తపోటుతో క్రమం తప్పకుండా బాధపడేవారికి మెంతులు చాలా ప్రయోజనకరంగా ఉంటాయి. రాత్రి పడుకునే ముందు మెంతులు ను నానబెట్టి, ఉదయాన్నే దాని నీటిని తాగడం వల్ల శరీరంలో రక్తప్రసరణ పెరిగి రక్తపోటును చక్కగా ఉంచుతుంది.

కొలెస్ట్రాల్‌ను నియంత్రిస్తుంది

మెంతులను క్రమం తప్పకుండా తీసుకోవడం కూడా కొలెస్ట్రాల్‌ను నియంత్రించడంలో మంచి ఎంపిక. నిపుణుల అభిప్రాయం ప్రకారం, మెంతులు గింజల్లో నారింగెనిన్ అనే ఫ్లేవనాయిడ్ ఉంటుంది, ఇది రక్తంలో లిపిడ్ల స్థాయిని తగ్గించడానికి పనిచేస్తుంది. అంతే కాకుండా మెంతులు లో యాంటీ ఆక్సిడెంట్లు కూడా ఉంటాయి.

ఆర్థరైటిస్‌లో మేలు చేస్తుంది

ఆర్థరైటిస్ సమస్యకు కూడా మెంతి దివ్యౌషధంగా పనిచేస్తుంది. ఇందులో యాంటీ ఇన్‌ఫ్లమేటరీ లక్షణాలు కనిపిస్తాయి. అంతే కాకుండా ఇందులో ఐరన్, క్యాల్షియం, ఫాస్పరస్ పుష్కలంగా ఉండటం వల్ల ఎముకలకు బలాన్ని అందిస్తుంది. .