లారీని ఢీకొన్న బస్సు: ముగ్గురు మృతి

కర్నూలు జిల్లా కేంద్రం శివారు చిన్న టేకూరు గ్రామం వద్ద ఘోర రోడ్డు ప్రమాదం చోటుచేసుకుంది. ఆగి ఉన్న లారీని ప్రైవేటు ట్రావెల్స్ బస్సు ఢీకొనడంతో ఈ ఘటన చోటుచేసుకుంది. ఈ ఘటనలో అక్కడిక్కడే ముగ్గురు మృతి చెందగా, ఎనిమిది మంది తీవ్రంగా గాయపాలయ్యారు. క్షతగాత్రులను దగ్గర్లో ఉన్న ఆస్పత్రికి తరలించారు. గాయపడిన వారిలో ఇద్దరి పరిస్థితి విషమంగా ఉన్నట్లు సమాచారం. బస్సు హైదరాబాద్ నుంచి బెంగళూరు వెలుతుండగా ప్రమాదం జరిగింది. ఘటనపై కేసు నమోదు చేసుకున్న పోలీసులు దర్యాప్తు చేస్తున్నారు.