WHO Report: వుహాన్‌ ల్యాబ్‌ నుంచి కరోనా రాలేదు..

WHO Report: ఏడాదిన్నరగా ప్రపంచాన్ని వణికిస్తోన్న కరోనా మహమ్మారిపై కీలక విషయాలు వెల్లడయ్యాయి. వైరస్ పుట్టుక, వ్యాప్తిపై అధ్యయనం చేసిన ప్రపంచ ఆరోగ్య సంస్థ, చైనా సంయుక్త నివేదిక అందించాయి. వుహాన్ ల్యాబ్ ‌నుంచే ఈ వైరస్‌ బయటకు వచ్చిందంటూ ఆరోపణలు రాగా ఆ ఛాన్సే లేదంటోంది WHO. గబ్బిలాల నుంచే కరోనా వచ్చిందని గబ్బిలాల ద్వారా జంతువులకు వాటి ద్వారా మనుషులకు సోకి ఉండొచ్చని నివేదిక తెలిపింది. ల్యాబ్‌ నుంచి వచ్చే అవకాశం లేదని ఇకపై ఆ వాదన వదిలేయాలని పేర్కొంది. WHO, చైనా ఇచ్చిన ఈ సంయుక్త నివేదికపై మరోసారి ప్రపంచదేశాలు మండిపడుతున్నాయి. మొదటి నుంచి చైనాకు WHO అనుకూలంగా వ్యవహరిస్తోందన్న ఆరోపణలే మళ్లీ వెల్లువెత్తుతున్నాయి.