Noor Wali Mehsud as Global Terrorist: ప్రపంచ తీవ్రవాదిగా టిటిపి నాయకుడు

Noor Wali Mehsud as Global Terrorist: తెహ్రిక్-ఎ-తాలిబాన్ పాకిస్తాన్ (టిటిపి) నాయకుడు నుల్ వాలి మెహ్సూద్‌ను ప్రపంచ తీవ్రవాదిగా ప్రకటించారు. జూన్ 2018 లో, అమెరికా డ్రోన్ దాడిలో తాలిబాన్ నాయకుడు ఫజ్లుల్లా మరణించడంతో అప్పటినుంచి నూర్‌ను టిటిపి నాయకుడిని చేశారు. దాంతో అప్పటినుంచి పాకిస్థాన్ కేంద్రంగా మెహ్సూద్ పలు కుట్రలకు పాల్పడ్డాడు. అయితే నూర్ పాకిస్తాన్ గిరిజన ప్రాంతంలో నివసిస్తున్నాడని.. అతన్ని పాకిస్తాన్ సైన్యానికి దగ్గరగా ఉన్నాడని ఎన్ని సార్లు ఆరోపించినా పాకిస్థాన్ మాత్రం చూసీచూడనట్టు పోతుంది. కాగా మెహ్సూద్‌కు అల్-ఖైదా, ఐసిస్‌లతో సంబంధాలున్నాయని నమ్ముతారు. ఈ సంస్థల సహకారంతోనే అతను చేయకూడని ఘోరాలన్నీ చేసాడు.

ఇక గ్లోబల్ టెర్రరిస్ట్ ప్రకటించిన తరువాత, మెహసూద్ యొక్క అన్ని ఆస్తులు సీజ్ చేస్తారు.. అలాగే అతడిపై ప్రయాణ నిషేధాలు విధించబడతాయి. దీంతో అతను ఎక్కడి వెళ్ళలేడు.. అయితే పాకిస్థాన్ అతనికి సహాయం చేయకుంటే తప్ప.. అతనిపై ఆయుధాల సేకరణ కూడా నిషేధించబడుతుంది. యుఎన్ నిషేధ కమిటీ ప్రకారం, నూర్ ఉగ్రవాద దాడులకు ఆర్థిక, ప్రణాళిక మరియు సంబంధిత కార్యకలాపాలను నిర్వహిస్తున్నాడు. అల్-ఖైదా వంటి ఉగ్రవాద సంస్థను బలోపేతం చేయడానికి కూడా అతను కుట్ర పన్నాడు. తాలిబాన్లకు రెండు వర్గాలు ఉన్నాయి. ఒకటి ఆఫ్ఘనిస్తాన్ నుండి పనిచేస్తుంది. మరొకరు పాకిస్తాన్ నుండి పనిచేస్తుంది. అయితే అమెరికా, తాలిబాన్ల మధ్య కుదిరిన ఒప్పందంలో పాకిస్తాన్ వర్గాన్ని చేర్చలేదు.