టెక్సాస్‌ సైకోల కాల్పుల్లో తెలుగు అమ్మాయి ఐశ్వర్య మృతి..

Texas: టెక్సాస్‌లో జరిగిన కాల్పుల్లో తెలుగు అమ్మాయి మృతి చెందింది. మృతురాలు తాటికొండ ఐశ్వర్యగా ఎఫ్‌బీఐ ధృవీకరించింది. రంగారెడ్డి జిల్లా జడ్జి అయిన నర్సిరెడ్డి కుమార్తె ఐశ్వర్య... పర్‌ఫెక్ట్ జనరల్ కాంట్రాక్టర్స్ కంపెనీలో ప్రాజెక్ట్ మేనేజర్‌గా పనిచేస్తున్నారు. సైకోలు కాల్పులు జరుపుతున్నప్పుడు ఐశ్వర్యకు బుల్లెట్ తగిలినట్లు తెలుస్తోంది.

ఆదివారం రాత్రి అమెరికా కాల్పులతో దద్దరిల్లింది. టెక్సాస్‌లోని ఓ షాపింగ్ మాల్‌లో ఇద్దరు సైకోలు వీరంగం సృష్టించారు.. సడన్‌గా మాల్‌లోకి చొరబడిన ఇద్దరూ అక్కడ ఉన్న వాళ్లపై విచక్షణా రహితంగా కాల్పులు జరిపారు. ఉత్తర డల్లాస్‌కి 40 కిలోమీటర్ల దూరంలోని స్ప్రాలింగ్ షాపింగ్ కాంప్లెక్స్‌లో ఈ కాల్పులు జరిగాయి. ఈ ఘటనలో 9 మంది మృతి చెందారు. కాల్పుల తర్వాత షాపింగ్ మాల్‌లోని కస్టమర్లు, ఉద్యోగులూ.. పార్కింగ్ లాట్స్‌లోకి పరుగులు తీశారు. మిలిటరీ దుస్తులు ధరించిన ఓ దుండగుడిని పోలీసులు కాల్చి చంపారు.