2024లో మళ్ళీ మీ ముందుకోస్తా : ట్రంప్

తానూ రాజకీయాల్లోనే కొనసాగుతానని అన్నారు అమెరికా అధ్యక్షుడు డోనాల్డ్ ట్రంప్. వైట్ హౌస్ లో నిర్వహించిన క్రిస్మస్ పార్టీలో పాల్గొన్న ట్రంప్ మీడియాతో మాట్లాడుతూ.. ఈ నాలుగేళ్ళు గడిచాయి. మరో నాలుగేళ్ళు ప్రజలకు సేవ చేయాలనీ భావించాం. అందుకోసం ఎంతో శ్రమించాం. కానీ దురదృష్టవశాత్తూ ఓడిపోయాం. మరో నాలుగేళ్ళు తర్వాత మిమల్ని కలుసుకుంటాం" అని అన్నారు ట్రంప్. అలాగే ట్విట్టర్‌ వేదికగా 'మోస్ట్‌ ఇంపార్టెంట్‌ వీడియో'అంటూ ఓ వీడియోని షేర్‌ చేశారు ట్రంప్.. ఈ వీడియోలో ఆయన దేశ ఎన్నికల వ్యవస్థ పూర్తిగా దాడికి గురయ్యిందని, ఎన్నో అవకతవకలు జరగుతున్నాయని వెల్లడించారు. అందుచేతే తానూ ఓడిపోయానని అన్నారు. ఈ ఎన్నికల్లో ఎన్నో అవకతవకలు జరిగాయాని, దీనికి సంబంధించిన ఆధారాలున్నాయని అన్నారు ట్రంప్. ఇక ఇటివల జరిగిన అమెరికా అధ్యక్ష ఎన్నికల్లో ట్రంప్ బైడెన్ పైన ఓడిపోయినా సంగతి తెలిసిందే.