Telangana Jobs: అగ్రికల్చర్‌ విద్యార్థులకి శుభవార్త.. త్వరలో నోటిఫికేషన్‌..!

Telangana Jobs: తెలంగాణ రాష్ట్రంలో వరుసగా నోటిఫికేషన్లు విడుదలవుతున్న సంగతి తెలిసిందే. దాదాపు ప్రభుత్వ పరిధిలోని అన్ని శాఖలలోని ఖాళీలని భర్తీ చేస్తున్నారు. ఇప్పటికే పలు శాఖల నుంచి నోటిఫికేషన్లు విడుదలైన సంగతి తెలిసిందే. అందులో భాగంగా వ్యవసాయశాఖలో 199 గ్రేడ్ -2 ఏఈవో పోస్టులు, 148 ఏవో పోస్టుల భర్తీకి ప్రభుత్వం అనుమతి ఇచ్చింది. ఈ పోస్టుల భర్తీకోసం త్వరలో నోటిఫికేషన్‌ విడుదలకానుంది.

ఇందులో భాగంగా ఉద్యానవన శాఖలో 21 హార్టీకల్చర్ ఆఫీసర్ పోస్టుల భర్తీకి అనుమతి ఇచ్చింది. సహకారశాఖలో 63 అసిస్టెంట్ రిజిస్ట్రార్, 36 జూనియర్ ఇన్‌స్పెక్టర్‌పోస్టులు ఉన్నాయి. అలాగే పశుసంవర్ధక శాఖలో 183 వెటర్నరీ అసిస్టెంట్ సర్జన్, 99 వెటర్నరీ అసిస్టెంట్ సహా 294 పోస్టుల భర్తీకి అనుమతి ఇచ్చారు. విత్తన ధృవీకరణ సంస్థలో 19 సీడ్ సర్టిఫికేషన్ అధికారి, ఆరు ఆర్గానిక్ ఇన్‌స్పెక్టర్‌ పోస్టుల భర్తీకి అనుమతి ఇచ్చారు.

మత్య్సశాఖలో తొమ్మిది ఎఫ్‌డీవో, నాలుగు ఏడీ, రెండు అసిస్టెంట్ ఇన్‌స్పెక్టర్‌ పోస్టులు, వ్యవసాయ మార్కెటింగ్ శాఖ సంచాలకుల పరిధిలో 12 పోస్టులు, ఇంధనశాఖలో 11 సహాయ ఎలక్ట్రికల్ పోస్టులు, గిడ్డంగుల సంస్థలో 28 ఏడబ్ల్యూఎం, 14 మేనేజర్ సహా 50 పోస్టుల భర్తీకి తాజాగా ప్రభుత్వం అనుమతిచ్చింది. ఈ పోస్టుల భర్తీకి సంబంధించిన పూర్తిస్థాయి నోటిఫికేషన్లు త్వరలో విడుదల అవుతాయి. నోటిఫికేషన్ ప్రకారమే పోస్టుల కేటాయింపులు ఉంటాయని అధికారులు స్పష్టం చేశారు.