KVS Sivarampalli Jobs 2023: శివరాంపల్లి కేంద్రీయ విద్యాలయంలో టీచర్‌ జాబ్స్‌.. నో ఎగ్జామ్‌ ఓన్లీ ఇంటర్వూ..!

kvs sivarampalli Jobs 2023: టీచర్‌ ఉద్యోగాల కోసం వెతికే నిరుద్యోగులకి ఇది సువర్ణవకాశమని చెప్పాలి. హైదారాబాద్‌ శివరాంపల్లిలోని కేంద్రీయ విద్యాలయం నుంచి పలు ఉద్యోగాల భర్తీకి నోటిఫికేషన్‌ విడుదలైంది. ఇందులో పీజీటీ, టీజీటీ, పీఆర్‌టీ, వొకేషనల్‌ కోచ్‌, కంప్యూటర్‌ ఇన్‌స్ట్రక్టర్‌ తదితర పోస్టులు ఉన్నాయి. అర్హులైన అభ్యర్థులు వెంటనే అప్లై చేసుకోవచ్చు. అభ్యర్ధుల వయసు 18 నుంచి 65 ఏళ్లకు మించకుండా ఉండాలి. దీనిగురించి మరిన్ని వివరాలు తెలుసుకుందాం.

అయితే మ్యాథ్స్‌, ఫిజిక్స్‌, కెమిస్ట్రీ, బయాలజీ, కంప్యూటర్‌ సైన్స్‌, కామర్స్‌ తదితర సబ్జెక్టుల్లో ఉద్యోగాలకు దరఖాస్తు చేసుకునే అభ్యర్ధులు ఆయా పోస్టును బట్టి సంబంధిత స్పెషలైజేషన్‌లో బీఈడీ/బ్యాచిలర్స్‌ డిగ్రీ/డిప్లొమా/బీఈ/బీఎస్సీ/డీఈడీ/ఇంటిగ్రేటెడ్‌ డిగ్రీ/ పీజీ డిగ్రీ/మాస్టర్స్‌ డిగ్రీ లేదా తత్సమాన కోర్సులో ఉత్తీర్ణత సాధించి ఉండాలి.

ఆసక్తి కలిగిన అభ్యర్థులు మార్చి 10, 2023వ తేదీన ఉదయం 8 గంటల 30 నిమిషాల నుంచి మధ్యాహ్నం 12 గంటల 30 నిముషాల వరకు ఇంటర్వ్యూకి నేరుగా హాజరుకావచ్చు. ఎంపికైన వారికి నెలకు రూ.21,250ల నుంచి రూ.27,500ల వరకు వేతనం చెల్లిస్తారు. ఇతర సమాచారం అధికారిక నోటిఫికేషన్‌లో చూడవచ్చు.