ఆరేళ్ల చిన్నారిపై అత్యాచార యత్నం

రోజు రోజుకి చిన్నారులపై అత్యాచారాలు పెరిగిపోతున్నాయి. తాజాగా హైదరాబాద్‌లో ఆరేళ్ల చిన్నారిపై అత్యాచారం చేసిన వ్యక్తికి నాంపల్లి కోర్టు పదేళ్ల కఠిన కారాగార శిక్ష, 2 వేల జరిమానాను విధించింది. ఇక వివరాల్లోకి వెళితే.. అంబర్‌పేట న్యూ పటేల్‌నగర్‌కు చెందిన గాదెల దయానంద్‌ (57) మెకానిక్‌. 2016 అక్టోబరు 10న దయానంద్‌ తమ ఇంటి వద్ద ఉండే ఆరేళ్ల చిన్నారిపై కన్నపడింది. చాకెట్లు ఇస్తానని ఆ చిన్నారిని ఇంట్లోకి పిలిచాడు. ఆ తరువాత బాలికను డాబాపైకి తీసుకెళ్లి అత్యాచారం చేయడానికి ప్రయత్నించాడు. బాలిక భయంతో కేకలు వేయడంతో ఆమె తల్లి డాబాపైకి పరుగెత్తుకు వచ్చింది. ఈస్ట్‌ జోన్‌ డీసీపీ ఎం.రమేశ్‌ ఆధ్వర్యంలో అంబర్‌పేట పోలీసులు ఈ కేసుని విచారించి కోర్టుకు సాక్ష్యాలను సమర్పించారు. నాంపల్లి మొదటి అడిషనల్‌ మెట్రోపాలిటన్‌ సెషన్స్‌ కోర్డు జడ్జి సునీత గాదెల దయానంద్‌ కు పదేళ్ల కఠిన జైలు శిక్ష, రూ. 2వేల జరిమానా విధించారు.