రెండు రాష్ట్రాల ముఖ్యమంత్రులకు లేఖ రాసిన కేంద్ర జలశక్తి శాఖ మంత్ర గజేంద్ర సింగ్ షెకావత్

- రెండు రాష్ట్రాల ముఖ్యమంత్రులకు లేఖ రాసిన కేంద్ర జలశక్తి శాఖ మంత్ర గజేంద్ర సింగ్ షెకావత్

- 2016 సెప్టెంబర్లో ఒకసారి మినహా ఇప్పటివరకు మళ్లీ అపెక్స్ కౌన్సిల్ సమావేశం జరగలేదు

- విభజన చట్టం సెక్షన్ 84(3) ప్రకారం అపెక్స్ కౌన్సిల్ గోదావరి, కృష్ణా నదీజలాల యాజమాన్య బోర్డులపై పర్యవేక్షణ అధికారాలు కలిగి ఉంది

- అపెక్స్ కౌన్సిల్ 2వ సమావేశం చాలాకాలంగా పెండింగ్‌లో ఉండిపోయింది

- 2018 ఫిబ్రవరి, 2020 జనవరిలో జలశక్తి శాఖ కార్యదర్శి నిర్వహించిన సమీక్షలో అనేక అపరిష్కృత అంశాలను గుర్తించారు

- వాటిని పరిష్కరించడం కోసం అపెక్స్ కౌన్సిల్ 2019 సెప్టెంబర్లో ఎజెండా సిద్ధం చేయాలని రెండు రాష్ట్రాలను కోరింది

- మే 2020లో జలశక్తి శాఖ మరోసారి రాష్ట్రాలకు గుర్తుచేస్తూ లేఖలు రాసింది. అయినా స్పందన లేదు

- దాంతో గోదావరి, కృష్ణా బోర్డులు సూచించిన అంశాలతో జలశక్తి శాఖ అపెక్స్ కౌన్సిల్ ఎజెండా సిద్ధం చేసింది

- 2020 మే 14న గోదావరి బోర్డుకు ఏపీ సర్కారు ఏడు తెలంగాణ ప్రాజెక్టులపై తీవ్ర అభ్యంతరాలు చెబుతూ లేఖ రాసింది

- అభ్యంతరం చెప్పిన ప్రాజెక్టుల్లో కాళేశ్వరం, గోదావరి లిఫ్ట్ ఇరిగేషన్ ఫేజ్-3, సీతారామ లిఫ్ట్, తుపాకులగూడెం, తెలంగాణ డ్రింకింగ్ వాటర్ సప్లై ప్రాజెక్ట్, పెన్‌గంగాపై నిర్మించిన బ్యారేజులు రామప్ప - పాకాల సరస్సుల నీటి దారి మళ్లింపు ఉన్నాయి

- జూన్ 2018లో కాళేశ్వరం లిఫ్ట్ డీపీఆర్‌ను జలశక్తి శాఖ అడ్వైజరీ కమిటీ అంగీకరించిన విషయం తెలిసిందే

- అయితే ఎలాంటి అనుమతి లేకుండా తెలంగాణ ప్రభుత్వం రోజుకు 2 టీఎంసీ నుంచి 3టీఎంసీ వరకు లిఫ్ట్ సామర్థ్యం పెంచింది

- ప్రాజెక్టులో మార్పులు, సామర్థ్యం పెంపు వంటి వాటికి జలశక్తి శాఖ ఆమోదం ఉండాలి

- ఏపీ సర్కారు అభ్యంతరం చెప్పిన ప్రాజెక్టులకు అపెక్స్ కౌన్సిల్ అనుమతులు లేవు

- అందుకే అపెక్స్ కౌన్సిల్ అనుమతులు పొందే వరకు ఆ ప్రాజెక్టులను ముందుకు తీసుకెళ్లవద్దని తెలంగాణ ప్రభుత్వానికి గోదావరి బోర్డ్ 2020 మే 30న లేఖ ద్వారా తెలియపర్చింది

- జూన్ 5న జరిగిన గోదావరి బోర్డు సమావేశంలో ఈ ప్రాజెక్టులపై లోతుగా చర్చ జరిగింది. వాటి డీపీఆర్‌లను జూన్ 10లోగా అందజేయాల్సిందిగా తెలంగాణ ప్రభుత్వాన్ని గోదావరి బోర్డు ఆదేశించింది. అయితే తెలంగాణ ప్రభుత్వం ఇంతవరకు సమర్పించలేదు.

- ఈ పరిస్థితుల్లో ఏపీ అభ్యంతరం తెలిపిన ప్రాజెక్టులపై డీపీఆర్‌లు సమర్పించకుండా, అపెక్స్ కౌన్సిల్ అనుమతులు పొందకుండా నిర్మాణం జరపవద్దని తెలంగాణ ప్రభుత్వానికి జలశక్తి శాఖ చెబుతోంది.

- వీలైనంత త్వరగా అపెక్స్ కౌన్సిల్ 2వ సమావేశం జరపాలని కోరుకుంటున్నాను

- లేఖలో కేంద్ర జలశక్తి శాఖ మంత్రి గజేంద్ర సింగ్ షెకావత్