పదేళ్లు దాటిన పిల్లలపై ఈ ఖాతా తెరిస్తే నెలకు రూ.2500 లాభం.. ఎలాగంటే..?

MIS Account: రిస్క్‌ లేకుండా లాభాలు పొందాలనుకునేవారికి పోస్టాఫీసు పథకాలు చాలా ఉపయోగకరంగా ఉంటాయి. పోస్టాఫీసు MIS (monthly income scheme) అనేది అటువంటి పొదుపు పథకం. ఇందులో ఒక్కసారి పెట్టుబడి పెట్టడం ద్వారా ప్రతి నెలా వడ్డీ రూపంలో లాభం వస్తూనే ఉంటుంది. ఈ ఖాతా వల్ల చాలా ప్రయోజనాలు ఉన్నాయి. 10 ఏళ్లు పైబడిన పిల్లల పేరిట ఈ ఖాతాను ఓపెన్ చేయవచ్చు. మీరు మీ పిల్లల పేరిట ఈ ఖాతాను తెరిస్తే ప్రతి నెలా పొందే వడ్డీతో ట్యూషన్ ఫీజు చెల్లించవచ్చు. ఈ పథకం గురించి మరిన్ని వివరాలను తెలుసుకుందాం.

మీరు ఏదైనా పోస్టాఫీసుకు వెళ్లి ఈ పొదుపు ఖాతాను తెరవవచ్చు. దీని కింద తక్కువలో రూ.1000, నుంచి గరిష్టంగా రూ.4.5 లక్షలు డిపాజిట్ చేయవచ్చు. ప్రస్తుతం ఈ పథకం కింద వడ్డీ రేటు 6.6 శాతంగా ఉంది. మీ పిల్లల వయస్సు 10 సంవత్సరాల కంటే ఎక్కువ ఉంటే మీరు అతని పేరు మీద ఈ ఖాతాను తెరవవచ్చు. ఒకవేళ తక్కువగా ఉంటే పిల్లాడికి బదులు తల్లిదండ్రులు ఈ ఖాతాను తెరవవచ్చు. ఈ పథకం మెచ్యూరిటీ 5 సంవత్సరాలు.

మీ పిల్లల వయస్సు 10 సంవత్సరాలు. మీరు అతని పేరు మీద రూ. 2 లక్షలు డిపాజిట్ చేస్తే ప్రతి నెలా మీ వడ్డీ ప్రస్తుత 6.6 శాతం ప్రకారం రూ.1100 అవుతుంది. ఐదేళ్లలో ఈ వడ్డీ మొత్తం 66 వేల రూపాయలు అవుతుంది. చివరిగా మళ్లీ మీ 2 లక్షల రూపాయల తిరిగి పొందుతారు. ఈ విధంగా చిన్న పిల్లల కోసం, వారి చదువు కోసం ఉపయోగించగల 1100 రూపాయలు పొందుతారు. ఈ మొత్తం తల్లిదండ్రులకు మంచి సహాయంగా ఉంటుంది.

అంతేకాదు ఈ ఖాతాని ఒక్కరు లేదా ముగ్గురు పెద్దలతో ఉమ్మడి ఖాతాను తెరవవచ్చు. ఇందులో రూ. 3.50 లక్షలు జమ చేస్తే ప్రస్తుత రేటు ప్రకారం ప్రతి నెలా రూ.1925 పొందుతారు. బడిలో చదివే పిల్లలకు ఇది చాలా పెద్ద మొత్తం. ఈ వడ్డీ డబ్బుతో పిల్లల స్కూల్ ఫీజులు, ట్యూషన్ ఫీజులు, పెన్-కాపీ ఖర్చులు సులభంగా తీరుతాయి. ఈ పథకం గరిష్ట పరిమితి అంటే 4.5 లక్షలు డిపాజిట్ చేస్తే మీరు ప్రతి నెలా రూ. 2475 ప్రయోజనం పొందవచ్చు.