భారీగా పెరిగిన బంగారం.. అదే దారిలో వెండి!

బంగారానికి మళ్ళీ రెక్కలు వచ్చాయి. గత వారం మొత్తం మీద భారీ తగ్గుదల నమోదు చేసిన బంగారం ధర సోమవారం భారీ పెరుగుదలతో ప్రారంభం అయింది. నిన్నటి ధరల కంటే ఈరోజు (10.02.2020) మరింత బంగారం ధర పెరిగింది.

భారీ షాకిచ్చిన బంగారం ధరలు..

హైదరాబాద్ మార్కెట్లో సోమవారం బంగారం ధరలు భారీగా పెరిగాయి. 24 క్యారెట్ల బంగారం పది గ్రాములకు 350 రూపాయలు పెరిగింది. దీంతో 22 క్యారెట్ల బంగారం ధర .42,330 నుంచి రూ.42,520కు పెరిగింది. ఇక పది గ్రాముల 22 క్యారెట్ల బంగారం ధర కూడా పెరుగుదల నమోదు చేసింది. పది గ్రాములకు 250 రూపాయలు పెరగడంతో 38,730 రూపాయల నుంచి 38,980 రూపాయల వద్దకు చేరుకుంది.

పెరిగిన.. వెండి ధరలు..

ఒకవైపు బంగారం ధరలు పెరుగుదల నమోదు చేయగా, వెండి ధరలు కూడా పెరిగాయి. వెండి ధరలు కేజీకి 500 పెరిగింది. దీంతో వెండి ధరలు కేజీకి 49,000 రూపాయల వద్దకు చేరింది.

విజయవాడ, విశాఖపట్నం లోనూ ఇదేవిధంగా..

విజయవాడ, విశాఖపట్నంలలో కూడా బంగారం ధరలు అదేవిధంగా ఉన్నాయి. ఇక్కడ 24 క్యారెట్ల బంగారం 10 గ్రాములకు 42,520 రూపాయలు, 22 క్యారెట్ల బంగారం 10 గ్రాములకు 38,980 రూపాయలుగా నమోదయ్యాయి. ఇక ఇక్కడ కూడా వెండి ధర 49,000 రూపాయలకు చేరింది.

దేశరాజధాని ఢిల్లీలోనూ..

ఇక ఢిల్లీ మార్కెట్ లో బంగారం ధరలు నిలకడగా ఉన్నాయి. ఇక్కడ పదిగ్రాముల 24 క్యారెట్ల బంగారం 40,700 రూపాయల వద్దకు చేరుకుంది. అదేవిధంగా పది గ్రాముల 22 క్యారెట్ల బంగారం ధర 39,500 రూపాయలకు చేరింది. వెండి ధర కేజీకి 49,000 రూపాయలుగా ఉంది.

ఇక్కడ పేర్కొన్న బంగారం ధరలు10.02.2020 ఉదయం 6 గంటల సమయానికి ఉన్న ధరలు. అంతర్జాతీయంగా..దేశీయంగా వాణిజ్య విపణిలో బంగారం..వెండి ధరలు ఎప్పటికప్పుడు మార్పులకు గురవుతుంటాయి. వాటి ఆధారంగా ధరల్లో స్థానికంగా హెచ్చుతగ్గులు ఉండవచ్చును.