అక్టోబర్ 16 నుంచి ఫ్లిప్ ‌కార్ట్ 'బిగ్ బిలియన్ డేస్' సేల్

ఈ కామర్స్ దిగ్గజం ఫ్లిప్ ‌కార్ట్ బిగ్ బిలియన్ డేస్ సేల్ తాజా ఎడిషన్‌ను ప్రకటించింది. ఈ అమ్మకం అక్టోబర్ 16న ప్రారంభమై అక్టోబర్ 21 వరకు నడుస్తుందని కంపెనీ ప్రకటించింది. ఈ ఆరురోజులలో ఫ్లిప్‌కార్ట్ లక్షలాది మంది విక్రేతలు, చేతివృత్తులవారు చేసిన బ్రాండ్ల నుండి పండుగ ఆఫర్లను నిర్వహిస్తుంది. ఇంకా, ఫ్లిప్‌కార్ట్ ప్లస్ కస్టమర్లు అక్టోబర్ 15 న 'ఎర్లీ యాక్సెస్' కూడా పొందుతారు. బిగ్ బిలియన్ డేస్‌లో షాపింగ్ చేసే వినియోగదారులు తమ ఎస్‌బిఐ డెబిట్, క్రెడిట్ కార్డుల ద్వారా 10 శాతం తక్షణ తగ్గింపు పొందుతారని ఫ్లిప్‌కార్ట్ తెలిపింది. ఇంకా, బజాజ్ ఫిన్సర్వ్ ఇఎంఐ , ఇతర బ్యాంక్ క్రెడిట్ మరియు డెబిట్ కార్డుల నుండి ఆఫర్ల ద్వారా నో-కాస్ట్ ఇఎంఐలు వినియోగదారులకు అందుబాటులో ఉంచింది.

అదనంగా, Paytm Wallet , Paytm UPI ద్వారా చెల్లించే వినియోగదారులకు క్యాష్‌బ్యాక్ అందించడానికి ఫ్లిప్ కార్ట్ Paytm తో భాగస్వామ్యం కుదుర్చుకుంది. ఎంచుకున్న కార్డులపై డెబిట్-కార్డ్ EMI లు (కనీస బ్యాలెన్స్ లేకుండా) మరియు ఫ్లిప్‌కార్ట్ పే లేటర్ సదుపాయాలు కూడా అందుబాటులో ఉంచింది. బిగ్ బిలియన్ డేస్ సేల్ సందర్బంగా, ఫ్లిప్‌కార్ట్.. మొబైల్స్, టీవీలు, గృహోపకరణాలు, ఫ్యాషన్, బ్యూటీ, హోమ్ & కిచెన్, ఫర్నిచర్, కిరాణా మరియు మరిన్ని విభాగాల ఉత్పత్తులపై ఆఫర్లు అలాగే డిస్కౌంట్లను అందించనుంది. హెడ్‌ఫోన్‌లు, స్పీకర్లపై 80 శాతం వరకు తగ్గింపు ఉంటుందని కంపెనీ వెల్లడించింది. స్మార్ట్ వాచ్ లపై కూడా 80 శాతం తగ్గింపు ఉంటుందని పేర్కొంది.