Post Office: మీ పెట్టుబడి డబుల్ అవ్వాలా.? అయితే ఇదే బెస్ట్ ఆప్షన్
![](/images/authorplaceholder.jpg?type=1&v=2)
![Double your investment in just 10 years post office fixed deposit plan details Double your investment in just 10 years post office fixed deposit plan details](https://assets.hmtvlive.com/h-upload/2024/06/16/375652-post.webp)
Post Office: మీ పెట్టుబడి డబుల్ అవ్వాలా.? అయితే ఇదే బెస్ట్ ఆప్షన్
పోస్టాఫీస్ టైమ్ డిపాజిట్ పథకాన్ని పోస్టాపీస్ ఎఫడిగా కూడా పిలుస్తుంటారు. ఈ పథకంలో పెట్టిన పెట్టుబడి నిర్ణీత సమయం తర్వాత రెట్టింపు కావడం విశేషం.
Post Office: ఈ మధ్య కాలంలో పోస్టాఫీస్లో పెట్టుబడి పెట్టే వారి సంఖ్య క్రమంగా పెరుగుతోంది. రకరకాల పథకాల పేర్లతో పోస్టాఫీస్లో పలు పథకాలను అందిస్తున్నారు. ఎలాంటి రిస్క్ లేకుండా మంచి ఆదాయం వచ్చే ఈ పథకాల్లో పెట్టుబడి పెట్టడానికి ఆసక్తి చూపిస్తున్నారు. అలాంటి వాటిలో టైమ్ డిపాజిట్ పథకం ఒకటి. ఇంతకీ ఈ పథకంలో ఎంత పెట్టుబడి పెట్టాలి.? దీనివల్ల కలిగే ప్రయోజనాలు ఏంటో ఇప్పుడు తెలుసుకుందాం..
పోస్టాఫీస్ టైమ్ డిపాజిట్ పథకాన్ని పోస్టాపీస్ ఎఫడిగా కూడా పిలుస్తుంటారు. ఈ పథకంలో పెట్టిన పెట్టుబడి నిర్ణీత సమయం తర్వాత రెట్టింపు కావడం విశేషం. ఉదాహరణకు మీరు రూ. 5 లక్షలు ఇన్వెస్ట్ చేస్తే నిర్ణీత కాలం తర్వాత రూ. 10 లక్షలు పొందొచ్చు. పోస్టాఫీస్ ఎఫ్డి పథకం అనేది 1,2,3 లేదా 5 ఏళ్లకు ఉంటుంది. కాలవ్యవధిని బట్టి వడ్డీ వేర్వేరుగా ఉంటుంది.
మీరు పెట్టుబడి పెట్టిన డబ్బులు డబుల్ కావాలంటే 5 ఏళ్ల ఎఫ్డి చేయాల్సి ఉంటుంది. ఈ ఎఫ్డిపై ప్రస్తుతం 7.5 శాతం వడ్డీ లభిస్తోంది. ఈ పథకంలో పెట్టుబడి పెడితే ఇన్కంటాక్స్ సెక్షన్ 80 సి ప్రకారం ట్యాక్స్ మినహాయింపు సైతం వర్తిస్తుంది. ఉదాహరణకు మీరు ఈ పథకంలో రూ. 5 లక్షల పెట్టుబడి పెట్టారనుకోండి.
ఇలా 5 ఏళ్లకు ఇన్వెస్ట్ చేసే 7.5 శాతం వడ్డీ చొప్పున 5 ఏళ్లలో మీ డబ్బులపై 2,24,974 రూపాయలు వడ్డీ లభిస్తుంది. దీంతో మీ డబ్బు రూ. 7,24,974 రూపాయలవుతుంది. ఆ తరువాత మరో ఐదేళ్లకు పొడిగిస్తే 5,51,175 రూపాయలు కేవలం వడ్డీ లభిస్తుంది. అంటే పదేళ్ల తరువాత మొత్తం మీకు 10 లక్షల 51 వేల 175 రూపాయలు చేతికి అందుతాయి. ఈ లెక్కన 10 ఏళ్లలో మీ డబ్బులు డబుల్ అవుతాయి. పోస్టాఫీసు 1 ఏడాది ఎఫ్డిని మెచ్యూరిటీ కంటే 6 నెలల్లోపు పొడిగించవచ్చు. 2 ఏళ్ల ఎఫ్డీని అయితే 12 నెలల్లోపు 3 లేదా 5 ఏళ్ల ఎఫ్డీని 18 నెలల్లోపు పొడిగించవచ్చు.
![](/images/logo.png)
About
![footer-logo](/images/logo.png)
HMTV team aims to keep you abreast with whatever is making headlines across the world including politics, business, sports, lifestyle and entertainment.
Our Links
Subscribe
Get the best positive stories straight into your inbox!
SubscribeWe're social, connect with us:
© Copyrights 2024. All rights reserved.
Powered By Hocalwire