LPG Cylinder: ఒకటో తేదీ శుభవార్త.. భారీగా తగ్గిన గ్యాస్ సిలిండర్‌ ధర..!

LPG Cylinder: కొత్త నెల ప్రారంభమైంది. ఈ క్రమంలో దేశీయ చమురు మార్కెటింగ్ కంపెనీలు వంట గ్యాస్ సిలిండర్ వినియోగదారులకు ఊరట కలిగించే నిర్ణయం తీసుకున్నాయి. 19 కేజీల ఎల్పీజీ సిలిండర్‌ ధరను రూ.99.75 మేర తగ్గించాయి. దీంతో దేశ రాజధాని దిల్లీలో కమర్షియల్‌ గ్యాస్‌ సిలిండర్‌ ధర రూ.1,680కు దిగొచ్చింది. అయితే గృహ వినియోగ సిలిండర్‌ ధరలో మాత్రం ఎటువంటి మార్పూ లేదు. కొత్త ధరలు నేటి నుంచి అమలులోకి వచ్చాయి. అదేసమయంలో 14.2 కేజీల సిలిండర్ విషయానికి వస్తే.. ఈ సిలిండర్ ధర ఢిల్లీలో రూ. 1103 వద్దనే స్థిరంగానే కొనసాగుతోంది. ఈ సిలిండర్ ధర చివరిగా మార్చి 1న మారింది. అప్పటి నుంచి సిలిండర్ ధరలో మార్పు లేకుండా ఉంది.