Ration Card: రేషన్ కార్డుదారులకు బిగ్ అలర్ట్.. ఇలాంటి తప్పులు చేస్తే.. ఉచిత రేషన్ కట్..!

Free Ration Holders: కరోనా కాలంలో కేంద్ర ప్రభుత్వం ప్రారంభించిన ఉచిత రేషన్ పథకం ఇప్పటికీ కొనసాగుతోంది. ఈ పథకం కింద, అర్హత కలిగిన కార్డ్ హోల్డర్లు డిసెంబర్ 2023 వరకు ఉచిత రేషన్ పొందుతున్నారు. దేశవ్యాప్తంగా దాదాపు 80 కోట్ల మంది ఈ పథకాన్ని సద్వినియోగం చేసుకుంటున్నారు. కుటుంబంలోని ప్రతి సభ్యుని బట్టి రేషన్ ఇస్తుంటారు. కానీ, ఉచిత రేషన్ పథకం మధ్యలో, ఈ రోజుల్లో మోసగాళ్లు కూడా ప్రజలను మోసం చేయడానికి ఎటువంటి అవకాశాన్ని వదలడం లేదు. ఇటువంటి పరిస్థితిలో, మీరు కొన్ని విషయాలను జాగ్రత్తగా చెక్ చేసుకోవాల్సి ఉంటుంది.

పేరు తొలగింపు సాకుతో..

రేషన్ కార్డుల జాబితాను ఎప్పటికప్పుడు అప్‌డేట్ చేస్తున్నారు. ఇటువంటి పరిస్థితిలో, అనేక పేర్లు జోడిస్తున్నారు. అనేక పేర్లు కూడా తొలగిస్తున్నారు. దీన్ని అవకాశంగా తీసుకుని మోసగాళ్లు ప్రజలను మోసం చేస్తున్నారు. దీనికి సంబంధించి ప్రభుత్వం కూడా సలహాలు ఇస్తూనే ఉంది. అయినా, ఇలాంటి మోసాలు ఆగడం లేదు. మోసగాళ్లు పేర్లు తలగించిన వ్యక్తులకు కాల్ చేసి, వారి పేర్లను జోడించడానికి పలు సూచనలను పాటించమని చెబుతున్నారు. ఇలా అనేక మోసాలకు సంబంధించిన ఉదంతాలు తెరపైకి వచ్చాయి.

రేషన్‌ సొమ్ము ఖాతాలోకి జమ..

మీ ఖాతాలో ఉచిత రేషన్ డబ్బు పొందాలని మీకు సందేశం వస్తే, లింక్‌పై క్లిక్ చేయమని చెప్పి, మోసానికి పాలప్పడుతున్నారు. ఈ లింక్‌పై ఎట్టి పరిస్థితుల్లో క్లిక్ చేయవద్దు. ఈ లింక్‌పై క్లిక్ చేయడం వల్ల మీరు భారీ నష్టాన్ని చవిచూడాల్సి వస్తుంది. ప్రస్తుతం ప్రభుత్వం ఇలాంటి పథకాలు ఏవీ అమలు చేయడం లేదని గుర్తించాలి. ఇలాంటి ఫేక్ మెసేజ్‌లతో మీరు మోసానికి గురవుతారు.

KYC అప్‌డేట్..

మోసగాళ్లు కొత్త పద్ధతులను అవలంబిస్తున్నారు. ఉచిత రేషన్ తీసుకునే వారికి కాల్ చేయడం ద్వారా, వారి KYCని అప్‌డేట్ చేయమని చెప్పి ప్రజలను ట్రాప్ చేస్తున్నారు. మీకు ఇలాంటి కాల్ వస్తే, ఎలాంటి రహస్య సమాచారం ఇవ్వకండి. మీ రహస్య సమాచారాన్ని ఎవరితోనైనా పంచుకోవడం ద్వారా మీరు మీ కోసం ఇబ్బందులను సృష్టిస్తున్నారు.

లింక్‌పై క్లిక్ చేస్తే.. మీకు ఉచిత రేషన్ అంటూ మోసం..

మీరు ఇలాంటి లింక్‌ని చూస్తే, అందులో మీరు మరింత ఉచిత రేషన్‌ను పొందేందుకు ఆకర్షితులవుతున్నారు. అయితే అదే సమయంలో అదనపు ఉచిత రేషన్ కోసం ఈ లింక్‌పై క్లిక్ చేయండి అని చెబుతున్నారు. పొరపాటున కూడా దీన్ని చేయవద్దు. ఎందుకంటే ఇవి నకిలీ లింక్‌లు. నకిలీ లింక్‌పై క్లిక్ చేయడం ద్వారా, మీరు మోసానికి గురవుతారు.