ZELIO Ebikes: రూ. 59వేలకే ఈ-స్కూటర్.. సింగిల్ ఛార్జ్‌తో 100 కిలోమీటర్లు రయ్ రయ్..!

ZELIO Ebikes: దేశంలో ఎలక్ట్రిక్ వాహనాలకు ఆదరణ లభిస్తుంది. ఎలక్ట్రిక్ స్కూటర్లు కొనుగోలు చేసే వారి సంఖ్య వేగంగా పెరుగుతుంది. అయితే కొన్ని ఈ సెగ్మెంట్లో కొన్ని మోడళ్ల ధరలు ఎక్కువగా ఉండటంతో బెడ్జెట్‌ ధరలో లభించే స్కూటర్లకు డిమాండ్ పెరుగుతుంది. అలా తక్కువ ధరలే లభించే ఎలక్ట్రిక్ స్కూటర్ చూస్తున్న వారి కోసం జెలియో Eeva ఎలక్ట్రిక్ అదిరిపోయే శుభవార్త చెప్పింది. కొత్త EV సిరీస్ Eevaని విడుదల చేసింది. ఈ సిరీస్‌లో మూడు ఎలక్ట్రిక్ స్కూటర్ మోడల్‌లు ఉన్నాయి, వీటిలో Eeva, Eeva Eco మరియు Eeva ZX+ మోడల్‌లు ఉన్నాయి. ఈ స్కూటర్ల ధర రూ. 56,051 నుండి రూ. 90,500 (ఎక్స్-షోరూమ్) వరకు ఉంటుంది. ఈ మూడు ఎలక్ట్రిక్ స్కూటర్ల ఫీచర్లు, రేంజ్ మరియు ధర గురించి తెలుసుకుందాం.

Eeva మోడల్‌ను రోజువారీ అవసరాల కోసం డిజైన్ చేశారు. ఇది 60V/32AH నుండి 60V/30AH వరకు ఐదు బ్యాటరీ వేరియంట్‌లను అందించే బలమైన BLDC మోటార్ (60/72V) ద్వారా శక్తిని పొందుతుంది. బ్యాటరీ ఆప్షన్స్ ప్రకారం ఇది సింగిల్ ఛార్జ్‌లో 55 నుండి 100 కిలోమీటర్ల రేంజ్ అందిస్తుంది. బ్యాటరీ ప్యాక్ ఆధారంగా దీని ప్రారంభ ధర రూ.56,051 నుండి రూ.79,051 వరకు ఉంటుంది. Eeva మోడల్‌లో డ్రమ్ బ్రేక్‌లు, హైడ్రాలిక్ షాక్ అబ్జార్బర్‌లు, యాంటీ థెఫ్ట్ అలారం, డిజిటల్ డిస్‌ప్లే వంటి ఆధునిక ఫీచర్లు ఉన్నాయి. ఇది బ్లూ, గ్రే, వైట్, బ్లాక్ వంటి నాలుగు కలర్స్‌లో వస్తుంది.

Eeva ఎకో ఎలక్ట్రిక్ ఫీచర్ల విషయానికి వస్తే Eeva Eco మోడల్ స్టైలిష్ డిజైన్, పవర్ ఫుల్ పర్పామెన్స్ అందిస్తుంది. 80 కిలోల బరువు, 180 కిలోల లోడ్ బేరింగ్ కెపాసిటీతో ఈ మోడల్ మెరుగైన భద్రత కోసం వెనుక డ్రమ్ బ్రేక్, ఫ్రంట్ డిస్క్ బ్రేక్‌తో ఉంటుంది. Eva Echo 48V/32AH నుండి 60V/30AH వరకు మూడు బ్యాటరీ వేరియంట్‌లలో అందిస్తుంది. వీటి ధర రూ.52,000 నుంచి రూ.68,000 వరకు ఉంటుంది. దీని టాప్ బ్యాటరీ ప్యాక్ వేరియంట్ ఒక్కసారి ఛార్జ్ చేస్తే 100కిమీలు రేంజ్ ఇస్తుంది.

ఎవా మోడల్ లాగా ఇందులో రివర్స్ గేర్, పార్కింగ్ స్విచ్, ఆటో రిపేర్ స్విచ్, USB ఛార్జర్, BLDC మోటార్ (48/60V), రెండు చివర్లలో హైడ్రాలిక్ షాక్ అబ్జార్బర్‌లు, అదనపు భద్రత కోసం డిజిటల్ డిస్‌ప్లే, సెంట్రల్ లాకింగ్ సిస్టమ్ ఉన్నాయి. ప్రీమియం Eeva ZX+ మోడల్ ఎలక్ట్రిక్ స్కూటర్ అనుభవాన్ని కోరుకునే వారికి ఖచ్చితంగా సరిపోతుంది. ఇది శక్తివంతమైన BLDC మోటారు (60/72V), సుమారు 90 కిలోల బరువు, 180 కిలోల వరకు లోడింగ్ సామర్థ్యాన్ని కలిగి ఉంది.

ప్రీమియం E ZX+ మోడల్‌లో ఫ్రంట్ డిస్క్ బ్రేక్, వెనుక డ్రమ్ బ్రేక్ ఉన్నాయి. Eeva, Eeva Eco మోడల్‌ల‌లో అధునాతన ఫీచర్లు ఉన్నాయి. ఈ మోడల్ ఎవా మాదిరిగానే 5 బ్యాటరీ వేరియంట్‌లను కూడా అందిస్తుంది. కానీ వాటి ధర రూ.67,500 నుంచి మొదలై రూ.90,500 వరకు ఉంది. ZX+ ఒక్కసారి ఛార్జ్ చేస్తే 100 కిలోమీటర్ల రేంజ్ కూడా అందించగలదు. ఇది మెరుగైన కంట్రోల్, సేఫ్టీ కోసం ఫ్రంట్ డిస్క్ బ్రేక్, వెనుక డ్రమ్ బ్రేక్‌లను కూడా కలిగి ఉంది. ఈ మోడల్‌లో యాంటీ-థెఫ్ట్ అలారం, డిజిటల్ డిస్‌ప్లే వంటి ఇతర మోడళ్లలో కనిపించే అధునాతన ఫీచర్‌లు కూడా ఉన్నాయి.

Zelio eBikes లెడ్ యాసిడ్, LI-ION బ్యాటరీల Eeva సిరీస్ ఒక సంవత్సరం లేదా 10,000 కిమీల వరకు వారంటీతో వస్తాయి. ఈ విడుదల GRACY సిరీస్, X మెన్ తక్కువ స్పీడ్ ఎలక్ట్రిక్ స్కూటర్ వంటి మునుపటి మోడళ్ల మాదిరిగానే ఉంటుంది. ఈ ఎకో-ఫ్రెండ్లీ స్కూటర్‌లు అధునాతన సాంకేతికతను ఆధునిక స్టైలింగ్‌తో వస్తాయి.ఇవి మీ జర్నీకి సేఫ్టీని అందిస్తాయి. 2021లో స్థాపించబడిన ZELIO ఆటో Pvt Ltd భారతదేశ ఎలక్ట్రిక్ టూ-వీలర్ మార్కెట్‌లో వేగంగా కీ ప్లేయర్‌గా మారింది. దేశవ్యాప్తంగా 100 మంది డీలర్లు, 200,000 మంది సంతృప్తి చెందిన కస్టమర్లతో ZELIO భారతదేశం అంతటా స్థిరమైన,పర్యావరణ అనుకూల రవాణాను ప్రోత్సహిస్తుంది.