ZELIO X-MEN 2.0: జోరు పెంచిన జెలియో.. రూ. 71,500కే ఎలక్ట్రిక్ స్కూటర్

ZELIO X-MEN 2.0: భారతీయ ఎలక్ట్రిక్ టూ-వీలర్ కంపెనీ ZELIO Ebikes తక్కువ-స్పీడ్ ఎలక్ట్రిక్ స్కూటర్ X-MEN 2.0ని విడుదల చేసింది. ఇది దాని ప్రసిద్ధ X-MEN స్కూటర్ అప్‌గ్రేడ్ వెర్షన్. ఈ స్కూటర్ నాలుగు విభిన్న వేరియంట్లలో విడుదలైంది. దీని ప్రారంభ ధర రూ. 71,500 (ఎక్స్-షోరూమ్). X-MEN 2.0 ఎలక్ట్రిక్ స్కూటర్ ఆకర్షణీయమైన, ఆధునిక డిజైన్‌తో ఉంటుంది. అంతేకాకుండా ఇందులో అనేక అధునాతన ఫీచర్లు కూడా అందించారు.

X-MEN 2.0 ఎలక్ట్రిక్ స్కూటర్ వేరియంట్‌లు, ధర

X-MEN 2.0 నాలుగు విభిన్న వేరియంట్‌లలో అందుబాటులో ఉంది. ఇది ప్రతి రకమైన వినియోగదారు అవసరాలను తీరుస్తుంది. లీడ్ యాసిడ్ బ్యాటరీ వేరియంట్‌లలో 60V 32AH, 72V 32AH ఉన్నాయి. వీటి ధర వరుసగా రూ.71,500, రూ.74,000.

అయితే X-మెన్ 2.0 ఎలక్ట్రిక్ స్కూటర్ లిథియం-అయాన్ బ్యాటరీ వేరియంట్‌లలో 60V 30AH, 74V 32AH ఉన్నాయి, వీటి ధర వరుసగా రూ. 87,500, రూ. 91,500. ఈ ధరలన్నీ ఎక్స్-షోరూమ్.

X-MEN 2.0 ఎలక్ట్రిక్ స్కూటర్ పవర్‌ట్రెయిన్

X-MEN 2.0 గరిష్ట వేగం గంటకు 25 కి.మీ. ఇది ఒక్కసారి ఛార్జింగ్ చేస్తే 100 కిలోమీటర్ల రేంజ్ అందిస్తుంది. దీని 60/72V BLDC మోటార్ ఒక్కో ఛార్జీకి 1.5 యూనిట్ల శక్తిని మాత్రమే వినియోగిస్తుంది. ఇది 90 కిలోల స్థూల బరువు, 180 కిలోల లోడింగ్ కెపాసిటీని కలిగి ఉంది.

బ్యాటరీ టైప్ బట్టి ఛార్జింగ్ సమయం మారుతుంది. లిథియం-అయాన్ మోడల్‌లు 4-5 గంటలు. లెడ్ యాసిడ్ మోడల్‌లు ఫుల్ ఛార్జ్ చేయడానికి 8-10 గంటలు పడుతుంది. ఈ ఎలక్ట్రిక్ స్కూటర్‌లో గ్రీన్, వైట్, సిల్వర్, రెడ్ వంటి నాలుగు రంగుల ఎంపికలు ఉన్నాయి.