Xiaoma Electric Car: బుల్లి కారు వచ్చేస్తోంది.. సింగిల్ ఛార్జ్‌పై 1200 కిమీ రేంజ్.. బైక్ ధరకే కొనండి..!

Xiaoma Electric Car: గ్లోబల్ ఆటో మార్కెట్‌‌లో హైరేంజ్ ఎలక్ట్రిక్ కార్లకు డిమాండ్ వేగంగా పెరుగుతుంది. దేశంలోనూ ఈ సెగ్మెంట్ వాహనాలను ఎక్కువగా కొనుగోలు చేస్తున్నారు. అయితే ఇటీవలె చైనాలోని చిన్న ఎలక్ట్రిక్ కార్ గురించి విపరీతంగా చర్చలు జరుగుతున్నాయి. ఈ కారు డిజైన్, రేంజ్ దీని ప్లస్ పాయింట్స్. ఇది బెస్ట్యూన్ బ్రాండ్‌కి చెందిన Xiaoma ఎలక్ట్రిక్ కారు. దీన్ని కొన్ని రోజుల క్రితం లాంచ్ చేశారు. ఈ కారు అతిపెద్ద ఫీచర్ ఏమిటంటే ఈ కారు ఫుల్ ఛార్జింగ్‌తో 1200 కి.మీల వరకు నడపవచ్చు. దీని ధర 30,000 నుండి 50,000 యువాన్ల (సుమారు రూ. 3.53 లక్షల నుండి 5.78 లక్షలు) వరకు ఉంటుంది.

షావోమాను ఛార్జ్ చేయడానికి 20kW ఎలక్ట్రిక్ మోటార్ ఉంది. ఇది వెనుక షాఫ్ట్‌లో ఉంది. ఇది లిథియం-ఐరన్ ఫాస్ఫేట్ (LFP) బ్యాటరీని కలిగి ఉంది. గోషన్, REPT ద్వారా సప్లై చేయబడింది. భద్రత కోసం ఇందులో డ్రైవర్ వైపు మాత్రమే ఎయిర్‌బ్యాగ్‌ అందించారు. ఈ కారు 3-డోర్లతో వస్తుంది. ఇది కాకుండా ఈ కారులో యాంటీ-లాక్ బ్రేకింగ్ సిస్టమ్‌తో పాటు EBD ఫీచర్ కూడా ఉంది. ఈ కారు పొడవు 3000mm, వెడల్పు 1510mm, ఎత్తు 1630mm. దీని వీల్ బేస్ 1953mm.

ఫీచర్లు, స్పెసిఫికేషన్‌లు విషయానికి వస్తే గత ఏడాది ఏప్రిల్‌లో జరిగిన షాంఘై ఆటో షోలో బెస్ట్యూన్ షావోమాను ప్రవేశపెట్టారు. ఈ కారు 7-అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్‌ను కలిగి ఉంది. ఇందులో అనేక ఫీచర్లను చూడవచ్చు. దాని డ్యాష్‌బోర్డ్‌లో డ్యూయల్-టోన్ థీమ్ కనిపిస్తుంది. ఈ కారు ఏరోడైనమిక్ డిజైన్‌ను కలిగి ఉంది. దీని కారణంగా ఇది అధిక వేగంతో కూడా స్థిరంగా ఉంటుంది. దాని రేంజ్ కూడా పెరుగుతుంది. హార్డ్‌టాప్, కన్వర్టిబుల్ వేరియంట్‌లు రెండూ అందించబడ్డాయి.

FME ప్లాట్‌ఫామ్ షామాపై ఆధారపడిన బెస్ట్యూన్ FME ప్లాట్‌ఫామ్‌పై ఆధారపడింది. ఇది ప్రత్యేకంగా EV, రేంజ్ ఎక్స్‌టెండర్ కోసం డిజైన్ చేశారు. ఇంతకుముందు, NAT పేరుతో ఒక రైడ్ హెయిలింగ్ EV కూడా ఇదే ప్లాట్‌ఫామ్‌పై వచ్చింది. FME ప్లాట్‌ఫామ్‌లో A1, A2 అనే రెండు సబ్ ప్లాట్‌ఫామ్‌లు ఉన్నాయి. A1 సబ్ ప్లాట్‌ఫామ్ 2700-2850 mm వీల్‌బేస్ ఉన్న కార్ల కోసం A2 2700-3000 mm వీల్‌బేస్ ఉపయోగపడుతుంది.

ఇది భారతదేశంలో ఎప్పుడు లాంచ్ అవుతుందనే సమాచారం లేదు. ప్రస్తుతం బెస్ట్యూన్ షావోమా ఎలక్ట్రిక్ కారు చైనాలో అమ్మకానికి అందుబాటులో ఉంది.. ఈ కారుకు కూడా విపరీతమైన ఆదరణ లభిస్తోంది. బెస్టునే షావోమాను భారత మార్కెట్‌కు కూడా తీసుకురావాలని భావిస్తున్నారు. ఈ రకమైన మైక్రో EV భారతదేశంలో చాలా ఇష్టపడతారు. ఈ కార్లు మంచి రేంజ్‌తో ట్రాఫిక్‌ను సులభంగా దాటగలవు.