TVS Jupiter Launched: కొత్త లుక్‌లో టీవీఎస్ జూపిటర్.. ఫీచర్స్ వేరే లెవల్..!

TVS Jupiter Launched: టీవీఎస్ మోటర్స్ తన ఫేమస్ స్కూటర్ జూపిటర్ 110ని 10 సంవత్సరాల తర్వాత అప్‌డేట్ చేసింది. ఈ కొత్త మోడల్‌ని న్యూ జెన్ జూపిటర్ 110 అని కూడా పిలుస్తారు. కంపెనీ చాలా కాలం తర్వాత దీనిలో మార్పులు చేసినప్పటికీ హోండా యాక్టివా లవర్స్‌ను ఆకర్షించేందుకు అనేక కొత్త ఫీచర్లను తీసుకొచ్చింది. దీని ప్రారంభ ఎక్స్-షోరూమ్ ధర రూ.73,700. అయితే హోండా యాక్టివా, సుజికి యాక్సెస్, హీరో మాస్ట్రో వంటి స్కూటర్లను కొనుగోలు చేయాలంటే మీరు కచ్చింతంగా జూపిటర్ 110 ఫీచర్ల గురించి తప్పకుండా తెలుసుకోవాలి.

ఈ కొత్త తరం మోడల్‌తో టీవీఎస్ తన డిజైన్‌ను పూర్తిగా మార్చేసింది. ప్రతి ప్యానెల్ కొత్తది. పాత మోడల్ నుండి ఏమీ తీసుకోలేదు. ఇంటిగ్రేటెడ్ టర్న్ ఇండికేటర్‌లతో ఫ్రంట్ ఆప్రాన్‌లో ఇన్ఫినిటీ LED లైట్ బార్ డిజైన్ అత్యంత అద్భుతమైన ఫీచర్. ఈ స్కూటర్ చాలా కొత్తగా కనిపిస్తుంది. బ్లాక్ క్రోమ్ ఎలిమెంట్స్ దాని స్టైలింగ్‌ను మరింత మెరుగుపరుస్తాయి. ఇది LED టైల్‌లైట్ స్కూటర్‌కి ఆభరణంలా కనిపిస్తుంది.

దీనిలో ఫుల్-LED లైటింగ్, ఫాలో మీ హోమ్ హెడ్‌ల్యాంప్, ఆటో టర్న్ ఇండికేటర్ రీసెట్, ఎమర్జెన్సీ బ్రేక్ వార్నింగ్ వంటి ఫీచర్లు 2024 TVS జూపిటర్‌లో అందుబాటులో ఉన్నాయి. ఇది పూర్తి రంగు ఇన్స్ట్రుమెంట్ క్లస్టర్‌ను కూడా కలిగి ఉంది. ఇది టర్న్-బై-టర్న్ నావిగేషన్, కాల్, టెక్స్ట్ అలర్ట్‌లు, ఫైండ్ మై వెహికల్, వాయిస్ అసిస్ట్ వంటి ఫీచర్‌లను ఎనేబుల్ చేసే బ్లూటూత్ కనెక్టివిటీతో వస్తుంది. ఇది USB ఛార్జింగ్ పోర్ట్‌తో ఫ్రంట్ స్టోరేజ్ బాక్స్‌ను కలిగి ఉంది. రెండు ఫుల్-ఫేస్ హెల్మెట్‌లను పట్టుకోగల పెద్ద అండర్-సీట్ స్టోరేజ్ ఉంది. ముందు మౌంటెడ్ ఫ్యూయల్ ఫిల్ చేసే క్యాప్ ఉంది.

బాడీవర్క్ కింద 2024 జూపిటర్ సరికొత్త ఫ్రేమ్‌ని ఉపయోగిస్తుంది, ఇది జూపిటర్ 125 ఫ్రేమ్ వలె ఉంటుంది. ఈ కొత్త ఫ్రేమ్ TVS ఫ్లోర్‌బోర్డ్ క్రింద ఫ్యూయల్ ట్యాంక్‌ను, హ్యాండిల్‌బార్ క్రింద ముందు భాగంలో ఫ్యూయల్ క్యాప్ ఉంచడానికి అనుమతిస్తుంది. ఈ ఛాసిస్ ఫీచర్‌లో జూపిటర్, ఎలక్ట్రిక్ వెర్షన్‌ను పరిచయం చేయడానికి TVSని సపోర్ట్ చేస్తుంది. చిన్నపాటి మార్పులతో ఇంధన ట్యాంక్ స్థానంలో బ్యాటరీ ప్యాక్‌ని సెట్ చేయవచ్చు.

2024 TVS జూపిటర్ 110 కొత్త, పెద్ద 113.5cc, సింగిల్ సిలిండర్ ఇంజన్‌తో 6,500rpm వద్ద 8bhp పవర్ 9.2Nm గరిష్ట టార్క్‌ను ఉత్పత్తి చేస్తుంది. అయితే కొత్త iGO అసిస్ట్ ఫీచర్‌తో మోటార్ 9.8Nm పీక్ టార్క్‌ను రిలీజ్ చేస్తుంది. ఇది నగరంలో ఓవర్‌టేక్ చేసేటప్పుడు వేగవంతమైన యాక్సిలిరేషన్‌కు సహాయపడుతుంది. పాత మోడల్‌తో పోలిస్తే దాని ఇంధన ట్యాంక్ 300ML చిన్నదిగా ఉంటుంది.

కొత్త జూపిటర్ 110 డ్రమ్, డ్రమ్ అల్లాయ్, డ్రమ్ SXC, డిస్క్ SXC అనే నాలుగు వేరియంట్‌లలో అందుబాటులో ఉంది. రెండు వేరియంట్‌లలో iGO అసిస్ట్, SmartXConnect, ఇన్ఫినిటీ లైట్ బార్ వంటి ఫీచర్లు లేవు. స్కూటర్ 6 రంగులలో అందుబాటులో ఉంది. వీటిలో డాన్ బ్లూ మ్యాట్, గెలాక్టిక్ కాపర్ మ్యాట్, స్టార్‌లైట్ బ్లూ గ్లోస్, లూనార్ వైట్ గ్లోస్, టైటానియం గ్రే మ్యాట్, మెటోర్ రెడ్ గ్లోస్ ఉన్నాయి. బేస్ డ్రమ్ వేరియంట్ ఎక్స్-షోరూమ్ ధర రూ.73,700, డ్రమ్ అల్లాయ్ వేరియంట్ రూ.79,200, డ్రమ్ ఎస్ఎక్స్‌సీ ధర రూ.83,250, డిస్క్ ఎస్ఎక్స్‌సీ ధర రూ.87,250.