Tata: గుడ్ న్యూస్.. నెక్సాన్ నుంచి టియాగో వరకు.. తగ్గిన టాటా ఎలక్ట్రిక్ కార్ల ధలు.. రూ. 1.20ల వరకు డిస్కౌంట్..!

Tata: టాటా మోటార్స్ తన రెండు ఎలక్ట్రిక్ కార్ల ధరలను తగ్గించింది. నెక్సాన్ ఈవీ ధర రూ.1.20 లక్షలు తగ్గగా, టియాగో ఈవీ ధర రూ.70,000 తగ్గింది. బ్యాటరీ ధరల తగ్గుదల ప్రయోజనాలను వినియోగదారులకు అందించడానికి ధరలను తగ్గించారు. Nexon.EV ధర ఇప్పుడు రూ. 14.49 లక్షల నుంచి ప్రారంభమవుతుంది. లాంగ్ రేంజ్ Nexon.ev రూ. 16.99 లక్షలకు అందుబాటులో ఉంటుంది. టియాగో బేస్ మోడల్ ధర రూ.7.99 లక్షలు. అయితే, కంపెనీ ఇటీవల విడుదల చేసిన Punch.EV ధరల్లో ఎలాంటి మార్పు లేదు.

EV మార్కెట్లో టాటాకు 70% కంటే ఎక్కువ వాటా..

టాటా ప్యాసింజర్ ఎలక్ట్రిక్ మొబిలిటీ లిమిటెడ్ 70% కంటే ఎక్కువ వాటాతో ఎలక్ట్రిక్ ప్యాసింజర్ వాహన విభాగంలో మార్కెట్ లీడర్‌గా ఉంది. 2023లో కంపెనీ మొత్తం 69,153 యూనిట్ల EVలను విక్రయించింది. టాటా మోటార్స్ ఈ సంవత్సరం కర్వ్, హారియర్ EV, సియెర్రా, ఆల్ట్రోజ్ EVలను విడుదల చేయనుంది.

బ్యాటరీ సెల్ ధరలు మరింత తగ్గే అవకాశం..

TPEM చీఫ్ కమర్షియల్ ఆఫీసర్ వివేక్ శ్రీవత్స మాట్లాడుతూ.. 'EV మొత్తం ధరలో బ్యాటరీ ధర ప్రధాన భాగం. బ్యాటరీ సెల్ ధరలు ఇటీవలి కాలంలో తగ్గాయి. రాబోయే రోజుల్లో మరింత తగ్గవచ్చు. ఇటువంటి పరిస్థితిలో ఈ ప్రయోజనాన్ని వినియోగదారులకు అందించాలని ఎంచుకున్నాం. Nexon, Tiago ఇప్పుడు వినియోగదారులకు మరింత ఆకర్షణీయంగా మారాయని అన్నారు.