Tata Punch CNG: టాటా పంచ్ CNG ప్రీ-బుకింగ్‌లు షురూ.. ట్విన్ సిలిండర్‌తో దేశంలోనే మొదటి మెక్రో ఎస్‌యూవీ.. ఫీచర్లు, ధర ఎంతో తెలుసా?

Tata Punch CNG: టాటా మోటార్స్ త్వరలో పంచ్ ట్విన్ సిలిండర్ పంచ్ సీఎన్‌జీని విడుదల చేయనుంది. HT ఆటో నివేదిక ప్రకారం, టాటా మోటార్స్ డీలర్‌షిప్‌లు పంచ్‌ CNG వేరియంట్ కోసం ప్రీ-బుకింగ్‌లను ప్రారంభించాయి. కొనుగోలుదారులు రూ.21,000 టోకెన్ మనీ చెల్లించి కారును బుక్ చేసుకోవచ్చు. పంచ్‌ CNG మోడల్‌ను 2023 ఆటో ఎక్స్‌పోలో ఆవిష్కరించారు. ప్రారంభించిన తర్వాత, ఈ కారు ట్విన్-సిలిండర్ టెక్నాలజీతో కూడిన భారతదేశపు మొట్టమొదటి మైక్రో SUV అవుతుంది. మైక్రో SUV సెగ్మెంట్లో, పంచ్ CNG ఇటీవల విడుదల చేసిన హ్యుందాయ్ Xtorతో పోటీపడుతుందని భావిస్తున్నారు.

ఆటోకార్ ప్రకారం, పంచ్ CNG వెర్షన్ ఉత్పత్తి ప్రారంభమైంది. ఇది త్వరలో భారతీయ మార్కెట్లో అందుబాటులో ఉంటుంది. టియాగో సీఎన్‌జీ, టిగోర్ సీఎన్‌జీలను ప్రారంభించడం ద్వారా కంపెనీ ఫిబ్రవరి 2022లో ఈ విభాగంలోకి ప్రవేశించింది. దీని తరువాత, ఆల్ట్రోజ్ CNG ట్విన్ సిలిండర్‌తో ప్రారంభించారు.

పంచ్ CNG భారీ బూట్ స్పేస్‌తో రానుంది..

పంచ్ CNG గురించి ముఖ్యమైన విషయం ఏమిటంటే ఇది 60 లీటర్ల సామర్థ్యంతో ట్విన్-సిలిండర్ ట్యాంక్ సెటప్ (ఒక్కొక్కటి 30-30 లీటర్ల రెండు CNG సిలిండర్లు) కలిగి ఉంది. దీని వల్ల కారు బూట్ స్పేస్ తగ్గదు. కంపెనీ ఇంకా ఎటువంటి సమాచారం ఇవ్వనప్పటికీ, పంచ్ పెట్రోల్ వెర్షన్‌లో 366 లీటర్ల బూట్ స్పేస్ అందుబాటులో ఉంది.

పంచ్ CNG: ఇంజిన్, పవర్, మైలేజ్..

పంచ్ ఆల్ట్రోజ్ వలె అదే 1.2-లీటర్ పెట్రోల్ ఇంజన్‌తో శక్తిని పొందుతాయి. ఇది 84 bhp శక్తిని, 113 Nm టార్క్‌ను ఉత్పత్తి చేస్తుంది. CNG మోడ్‌లో అయితే, ఈ ఇంజన్ 76 bhp, 97Nm టార్క్‌ను ఉత్పత్తి చేయగలదు. ఇంజిన్ 5-స్పీడ్ మాన్యువల్ గేర్‌బాక్స్‌తో జతచేశారు. అయితే కారు సాధారణ పెట్రోల్ వేరియంట్‌లు 5-స్పీడ్ AMT గేర్‌బాక్స్ ఎంపికను కూడా పొందుతాయి. ఆల్ట్రోజ్, పంచ్ CNG వెర్షన్లు టియాగో iCNGతో సమానంగా 26-27 km/kg మైలేజీని క్లెయిమ్ చేయగలవు.

పంచ్ CNG: ఫీచర్లు..

కారు ఫీచర్ల గురించి మాట్లాడితే, ఇది ఆపిల్ కార్ ప్లే, ఆండ్రాయిడ్ ఆటో కనెక్టివిటీ, ఆటోమేటిక్ AC, రివర్స్ పార్కింగ్ కెమెరా, 7-అంగుళాల TFT డిజిటల్ ఇన్‌స్ట్రుమెంట్ క్లస్టర్, 7-అంగుళాల పుష్ బటన్ స్టార్ట్/స్టాప్ వంటి వాటిని పొందుతుంది. పంచ్ హర్మాన్ ఇన్ఫోటైన్‌మెంట్ సిస్టమ్‌తో కూడా రావొచ్చని తెలుస్తోంది. ఇది కాకుండా, క్రూయిజ్ కంట్రోల్, హైట్ అడ్జస్టబుల్ డ్రైవర్ సీటు, లెదర్ అప్హోల్స్టరీ, ప్రొజెక్టర్ హెడ్‌ల్యాంప్స్, LED DRLలు, R16 డ్యూయల్-టోన్ అల్లాయ్ వీల్స్, షార్క్ ఫిన్ యాంటెన్నా, ఆటో ఫోల్డింగ్ ORVM ఇవ్వవచ్చు.

పంచ్ CNG: ధర..

పంచ్ పెట్రోల్ వేరియంట్‌ల కంటే రూ. 1 లక్ష ఎక్కువగా ఉంటుంది. పంచ్ పెట్రోల్ వేరియంట్‌లు ప్రస్తుతం రూ. 6 నుంచి 9.54 లక్షల మధ్య (ఎక్స్-షోరూమ్ ఢిల్లీ) ఉన్నాయి.