Tata Avinya: టాటా నుంచి లగ్జరీ ఎలక్ట్రిక్ కార్.. 'అవిన్య'తో సంచలనానికి సిద్ధం.. ఫీచర్లు ఎలా ఉన్నాయంటే?

Tata Avinya: టాటా మోటార్స్ త్వరలో తన EV కార్ సెగ్మెంట్‌లో 'అవిన్య'ను విడుదల చేయడానికి సన్నాహాలు చేస్తోంది. ఇది 2026 నాటికి ప్రారంభించనుందని భావిస్తున్నారు. అయితే, ఈ లగ్జరీ కారు లాంచ్‌కు సంబంధించి ఎలాంటి అధికారిక తేదీని కంపెనీ వెల్లడించలేదు. కానీ, కొత్త సంవత్సరం నాటికి దీని ప్రొడక్షన్ వెర్షన్ విడుదల కావచ్చని భావిస్తున్నారు.

అవిన్య ఈ కాన్సెప్ట్ రూపం ఇటీవలి ఆటో ఎక్స్‌పోలో కనిపించిందని, ఇది EV సెగ్మెంట్‌లో ప్రీమియం రేంజ్ కారుగా ఉంటుందని చెబుతున్నారు. కారు డిజైన్, ఇతర అంశాల గురించి ఖచ్చితమైన సమాచారం కారు లాంచ్ తర్వాతే బయటకు రానున్నాయి. అయితే, ఈ పూర్తి ఎలక్ట్రిక్ కారులో Acti.ev, EMA సాంకేతికత ఉపయోగించబనున్నట్లు తెలుస్తోంది.

అవిన్య, ఇతర EV కార్ల కోసం కంపెనీ JLR ప్లాట్‌ఫారమ్‌ను ఉపయోగించవచ్చు. ఇక్కడ కంపెనీ కొత్త టెక్నాలజీలను ఉపయోగించడం ద్వారా కార్లలో కొత్త ఆవిష్కరణలు చేయడానికి సిద్ధంగా ఉంది.

టాటా ఈ EV హై ఎనర్జీ డెన్సిటీ బ్యాటరీ, ఫాస్ట్ ఛార్జింగ్ సౌకర్యం, కొత్త ఎలక్ట్రిక్ ఆల్ వీల్ డ్రైవ్, వెహికల్స్-టు-లోడ్, వెహికల్స్-టు-వెహికల్స్ ఛార్జింగ్, డ్రైవింగ్ మోడ్‌లతో పాటు అనేక ఇతర ఫీచర్లను కూడా పొందవచ్చు. ఇది కాకుండా, టాటా EV-నిర్దిష్ట కార్లు OTA అప్‌గ్రేడబిలిటీ, పూర్తిగా కనెక్ట్ చేసిన ఇన్-కార్ యాప్‌తో కొత్త తరం UI ఆధారిత డిస్‌ప్లేను పొందనున్నాయి.