Tata Offer: నమ్మకాన్ని నిలబెట్టుకున్న టాటా.. టాప్ క్లాస్ కార్లపై భారీ డిస్కౌంట్లు..!

Tata Offer: రతన్ టాటాకు చెందిన టాటా మోటార్స్ నమ్మకమైన కార్ల తయారీ కంపెనీగా గుర్తింపు పొందింది. తాజాగా టాటా Tiago, Tigur, Altroz, Punch, Nexon, Harrier, Safari వంటి ప్రముఖ కార్లపై భారీ తగ్గింపులను ప్రకటించింది. ఈ ఆఫర్లు అక్టోబర్ 31, 2024 వరకు మాత్రమే అందుబాటులో ఉంటాయి. రండి.. ఏ కారుపై ఎంత డిస్కౌంట్ లభిస్తుందో క్లియర్‌గా తెలుసుకుందాం.

టాటా టియాగో హ్యాచ్‌బ్యాక్

ముందుగా టాటా టియాగో హ్యాచ్‌బ్యాక్ డిస్కౌంట్ల గురించి మాట్లాడుకుందాం. ఈ కారు 2024 వేరియంట్‌లపై రూ.20,000 నుండి రూ.30,000 వరకు తగ్గింపు ఉంటుంది. 2023 టియాగో వేరియంట్‌లపై రూ. 85,000 నుండి రూ. 90,000 వరకు తగ్గింపు ఉంది. కొత్త టాటా టియాగో హ్యాచ్‌బ్యాక్ ధర రూ. 5 లక్షల నుండి రూ. 8.75 లక్షలు (ఎక్స్-షోరూమ్).

టాటా టిగోర్ ఫ్లాగ్‌షిప్ సెడాన్

ఈ అక్టోబర్‌లో దీనికి భారీ తగ్గింపు ఉంది. దీని 2024 వేరియంట్‌లు రూ. 20,000 నుండి 30,000, 2023 వేరియంట్‌లు రూ. 85,000 వరకు ఆర్థిక ప్రయోజనాలను అందిస్తుంది. కొత్త టిగోర్ ఎక్స్-షోరూమ్ ధర రూ.6 లక్షల నుంచి రూ.9.40 లక్షల మధ్య ఉంది.

టాటా ఆల్ట్రోజ్ ప్రీమియం హ్యాచ్‌బ్యాక్

దీని 2024 వేరియంట్‌లపై రూ. 15,000 నుండి రూ. 50,000 వరకు తగ్గింపు ఉంది. 2023 వేరియంట్‌లలో 55,000 నుండి 70,000 వరకు డిస్కౌంట్ లభిస్తుంది. ఆల్ట్రోజ్ ఎక్స్-షోరూమ్ ధర రూ. 6.50 లక్షల నుండి రూ. 11.16 లక్షల మధ్య ఉంది.

టాటా పంచ్ ఒక ప్రసిద్ధ మాక్రో SUV

ఈ కారు 2024 వేరియంట్లు (వేరియంట్‌లు) రూ.15,000 నుండి రూ.18,000 వరకు తగ్గింపును పొందుతాయి. 2023 వేరియంట్‌లలో రూ.15,000 నుండి రూ.18,000 వరకు క్యాష్ బ్యాక్ కూడా ఉంది. కొత్త టాటా పంచ్ ఎక్స్-షోరూమ్ ధర రూ.6.13 లక్షల నుంచి రూ.10 లక్షల మధ్య ఉంది.

టాటా నెక్సాన్ ఒక ప్రసిద్ధ SUV

దీని 2024 వేరియంట్‌లకు రూ. 10,000 నుండి రూ. 25,000 వరకు ఫైనాన్సిషల్ బెనిఫిట్ ఉంటుంది. 2023 వేరియంట్‌లపై రూ.25,000 నుండి రూ.95,000 వరకు తగ్గింపు ఉంది. ఈ కారు ఎక్స్-షోరూమ్ ధర రూ.8 లక్షల నుండి రూ.15.50 లక్షల మధ్య ఉంది.

టాటా హారియర్ ఎస్‌యూవీ

ఈ కారుపై కూడా భారీ తగ్గింపు ఉంది. ఈ కారు 2024 వేరియంట్‌లలో రూ.25,000 ఆర్థిక ప్రయోజనం ఉంది. 2023 వేరియంట్లు రూ.50,000 నుండి రూ.1,33,000 వరకు ఉన్నాయి. కొత్త టాటా హారియర్ ధర రూ. 14.99 లక్షల నుండి రూ. 25.89 లక్షలు (ఎక్స్-షోరూమ్).

టాటా సఫారీ SUV

దీని 2024 వేరియంట్‌లపై రూ. 25000, 2023 వేరియంట్‌లు రూ. 50000 నుండి రూ. 133000 వరకు తగ్గాయి. సఫారీ ఎక్స్-షోరూమ్ ధర రూ. 15.49 లక్షల నుండి రూ. 26.89 లక్షల మధ్య ఉంది.