Skoda-Volkswagen: రికార్డ్ స్థాయిలో 15 లక్షల కార్ల ఉత్పత్తి.. భారత్‌లో స్కోడా-వోక్స్‌వ్యాగన్ సరికొత్త చరిత్ర..!

Skoda-Volkswagen: స్కోడా ఆటో వోక్స్‌వ్యాగన్ ఇండియా గ్రూప్ 2009 నుంచి పూణేలోని చకన్ ప్లాంట్‌లో 15 లక్షలకు పైగా యూనిట్లను ఉత్పత్తి చేసి కొత్త రికార్డును సృష్టించింది. ఈ ప్లాంట్ నుంచి స్కోడా ఫాబియా, స్కోడా రాపిడ్, వోక్స్‌వ్యాగన్ పోలో, వోక్స్‌వ్యాగన్ వెంటో, MQB ప్లాట్‌ఫారమ్ ఆధారంగా కొత్త మోడల్‌లతో సహా అనేక మోడల్‌లు ఉత్పత్తి చేస్తున్నారు.

ప్రస్తుతం, MQB-A0-IN ప్లాట్‌ఫారమ్‌లో స్కోడా కుషాక్, స్లావియా, వోక్స్‌వ్యాగన్ వర్టస్, టైగన్‌లతో సహా అనేక మోడల్‌లు ఉన్నాయి. ఈ మోడల్స్ ఉత్పత్తి ఈ రికార్డును చేరుకోవడానికి మూడు లక్షల యూనిట్లకు పైగా దోహదపడింది. ఇది కాకుండా, చకన్ ప్లాంట్ 3.8 లక్షల ఇంజన్లను ఉత్పత్తి చేసింది. ఇందులో అత్యంత ప్రజాదరణ పొందిన 1.0-లీటర్ TSI ఇంజన్ కూడా ఉంది.

అదనంగా, ఫోక్స్‌వ్యాగన్ గ్రూప్ భారతదేశంలోని 30 శాతం వాహనాలను 40 దేశాలకు ఎగుమతి చేసింది. దీనితో భారతదేశం ప్రపంచవ్యాప్తంగా బ్రాండ్ నాల్గవ అతిపెద్ద ఎగుమతి కేంద్రంగా నిలిచింది.

ఈ సందర్భంగా, SAVWIPL మేనేజింగ్ డైరెక్టర్, CEO పీయూష్ అరోరా మాట్లాడుతూ, “మేం మా చకాన్ ప్లాంట్‌లో 15 లక్షల వాహనాలను ఉత్పత్తి చేశాం. నాలుగు విజయవంతమైన MQB మోడల్‌లను ఉత్పత్తి చేయడం ద్వారా కొత్త రికార్డును కూడా సృష్టించాం అంటూ చెప్పుకొచ్చాడు.