ఫుల్ ట్యాంక్‌తో 1200 కి.మీల మైలేజీ.. కేవలం 23 నెలల్లోనే 2 లక్షల సేల్స్.. స్పెషాలిటీ ఏంటో తెలుసా?

Maruti Grand Vitara Sales: దేశంలోని ప్రముఖ కార్ల తయారీ సంస్థ మారుతీ సుజుకీ కార్ల విక్రయాల్లో సరికొత్త మైలురాయిని సాధించింది. కంపెనీ మిడ్-సైజ్ హైబ్రిడ్ SUV గ్రాండ్ విటారా అమ్మకాల్లో విపరీతమైన పెరుగుదల కనిపించింది. గ్రాండ్ విటారా లాంచ్ అయినప్పటి నుంచి అమ్మకాలు బాగా జరుగుతున్నాయి. 23 నెలల కాలంలో కంపెనీ ఈ కారు 2 లక్షల యూనిట్లను విక్రయించింది. మిడ్-సైజ్ సెగ్మెంట్‌లోని ఏ కారుకైనా ఈ విక్రయాల సంఖ్య అత్యంత వేగవంతమైనదిగా కంపెనీ పేర్కొంది.

ఈ సందర్భంగా మారుతీ సుజుకీ మార్కెటింగ్, సేల్స్ సీనియర్ ఎగ్జిక్యూటివ్ ఆఫీసర్ పార్థో బెనర్జీ మాట్లాడుతూ ఎస్‌యూవీ సెగ్మెంట్‌లో గ్రాండ్ విటారా మాకు అతిపెద్ద ప్రోడక్ట్ అంటూ చెప్పుకొచ్చారు. ఈ కారు హైబ్రిడ్ సెగ్మెంట్‌లోని వ్యక్తుల మొదటి ఎంపిక అని, అందుకే ఈ కారు 2 లక్షల యూనిట్లు అమ్ముడయ్యాయని ఆయన అన్నారు.

కంపెనీ ఇంధన సామర్థ్యాన్ని దృష్టిలో ఉంచుకుని ఈ కారును ప్రవేశపెట్టింది. ఇది ప్రారంభించినప్పటి నుంచి ఇప్పటి వరకు, కారు అమ్మకాలు ఎల్లప్పుడూ బాగానే ఉన్నాయి. ఈ కారుకు పెట్రోల్ ఇంజన్‌తో పాటు ఎలక్ట్రిక్ మోటార్ సపోర్ట్ ఉంది. ఇది మైలేజీని పెంచడంలో సహాయపడుతుంది. ఈ మోటార్ లిథియం అయాన్ బ్యాటరీతో నడుస్తుంది.

మారుతి గ్రాండ్ విటారాలో అద్భుతమైన ఫీచర్లు అందుబాటులో ఉన్నాయి. దీని స్టాండర్డ్ వేరియంట్‌లో 9-అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్, డిజిటల్ డ్రైవర్ డిస్‌ప్లే, హెడ్స్ అప్ డిస్‌ప్లే, పనోరమిక్ సన్‌రూఫ్, వైర్‌లెస్ స్మార్ట్‌ఫోన్ కనెక్టివిటీ, వైర్‌లెస్ ఛార్జర్, వెంటిలేటెడ్ సీట్లు, యాంబియంట్ లైటింగ్, 360 డిగ్రీ కెమెరా, అల్లాయ్ వీల్స్ వంటి అనేక ఫీచర్లు ఉన్నాయి.

మారుతికి చెందిన సేఫ్ ఎస్‌యూవీ..

కంపెనీ కూడా ఇందులో సేఫ్టీ విషయంలో ప్రత్యేక శ్రద్ధ తీసుకుంది. 6 ఎయిర్‌బ్యాగ్‌లతో వస్తున్న మారుతి తొలి కారు ఇదే. ఇందులో ఏబీఎస్ విత్ ఈబీడీ, చైల్డ్ లాక్, చైల్డ్ సీట్ కోసం యాంకర్ పాయింట్లు, ఓవర్‌స్పీడ్ వార్నింగ్, స్పీడ్ సెన్సింగ్ డోర్ లాక్, యాంటీ థెఫ్ట్ ఇంజన్ ఇమ్మొబిలైజర్, మిడిల్ రియర్ త్రీ-పాయింట్ సీట్‌బెల్ట్, ఫ్లాషింగ్ ఎమర్జెన్సీ బ్రేక్ లైట్, సెంట్రల్ లాకింగ్ వంటి ఫీచర్లు కూడా ఉన్నాయి.

మారుతి గ్రాండ్ విటారా ధర..

మారుతి గ్రాండ్ విటారా ధర రూ. 10.70 లక్షల నుంచి మొదలై రూ. 19.90 లక్షల (ఎక్స్-షోరూమ్) వరకు ఉంటుంది. కంపెనీ దీనిని CNGలో కూడా అందుబాటులోకి తెచ్చింది. CNG వేరియంట్ ధర రూ. 13.05 నుంచి ప్రారంభమవుతుంది. మార్కెట్‌లో, గ్రాండ్ విటారా కియా సెల్టోస్, హ్యుందాయ్ క్రెటా, టయోటా హేరైడర్ వంటి SUVలతో పోటీపడుతుంది.