Maruti Brezza: క్రెటా, నెక్సాన్‌ల కంటే అద్భుతమైన ఫీచర్లు.. కొనేందుకు క్యూ కడుతోన్న జనాలు.. ధరెంతో తెలుసా?

Best Selling SUV: మారుతి బ్రెజ్జా ఆగస్టు నెలలో అత్యధికంగా అమ్ముడైన SUVగా నిలిచింది. మొత్తం 14,572 యూనిట్లు అమ్ముడయ్యాయి. అయితే, బ్రెజ్జా విక్రయాలు వార్షిక ప్రాతిపదికన 4 శాతం క్షీణతను నమోదు చేశాయి. అయినా అత్యధికంగా అమ్ముడైన SUVగా చోటు సంపాదించుకోగలిగింది.

బ్రెజ్జా ధర రూ. 8.29 లక్షల నుంచి రూ. 14.14 లక్షల (ఎక్స్-షోరూమ్) వరకు ఉంది. ఇది 4 ట్రిమ్‌లలో వస్తుంది - LXI, VXI, ZXI, ZXI+. CNG వేరియంట్లు ZXI+ మినహా అన్ని ట్రిమ్‌లలో వస్తాయి.

బ్రెజ్జా మొత్తం ఆరు మోనోటోన్, మూడు డ్యూయల్ టోన్ రంగులలో వస్తుంది. ఈ 5-సీటర్ SUV 328 లీటర్ల బూట్ స్పేస్‌ను కలిగి ఉంది. ప్రయాణీకుల భద్రత కోసం, 6 ఎయిర్‌బ్యాగ్‌లు, EBDతో కూడిన ABS, వెనుక పార్కింగ్ సెన్సార్లు, ఎలక్ట్రానిక్ స్టెబిలిటీ కంట్రోల్, హిల్ హోల్డ్ అసిస్ట్ వంటి ఫీచర్లు ఉన్నాయి.

బ్రెజ్జాలో 1.5-లీటర్ పెట్రోల్ ఇంజన్ ఉంది. ఇది 101 PS పవర్, 136 Nm టార్క్ ఉత్పత్తి చేస్తుంది. ఇది 5-MT, 6-స్పీడ్ ఆటోమేటిక్ ట్రాన్స్‌మిషన్ ఎంపికను కలిగి ఉంది. CNGపై పవర్ అవుట్‌పుట్ సాధారణ మోడల్ కంటే తక్కువగా ఉంది. CNGలో 5-MT మాత్రమే అందుబాటులో ఉంది.

మారుతి బ్రెజ్జా కూడా మంచి మైలేజీని ఇస్తుంది. పెట్రోల్‌పై దీని మైలేజీ లీటరుకు 20.15 కిలోమీటర్ల వరకు ఉంటుంది. అయితే CNGలో ఇది కిలోగ్రాముకు 25.51 కిలోమీటర్ల వరకు మైలేజీని అందిస్తుంది.

ఇది 9-అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్, 4 స్పీకర్లు, ప్యాడిల్ షిఫ్టర్‌లు (ఆటోమేటిక్‌తో), సన్‌రూఫ్, వైర్‌లెస్ ఫోన్ ఛార్జర్, యాంబియంట్ లైటింగ్, హెడ్స్-అప్ డిస్‌ప్లే, 360 డిగ్రీ కెమెరాను కలిగి ఉంది.