మారుతి జిమ్నీకి పోటీగా రానున్న మహీంద్రా 5-డోర్ వెర్షన్.. డిజైన్‌తోనే ఫిదా చేస్తోన్న థార్ రాక్స్..!

Mahindras Thar Rocks: మహీంద్రా & మహీంద్రా అత్యంత ప్రజాదరణ పొందిన ఆఫ్-రోడ్ SUV థార్ 5-డోర్ వెర్షన్ రాక్స్ పేరుతో రానుంది. కంపెనీ శనివారం (జులై 20) వాహనం టీజర్‌ను విడుదల చేసింది. ఇది మహీంద్రా థార్ 5-డోర్ డిజైన్‌ను చూపిస్తుంది. ముందుగా థార్ ఆర్మడ పేరుతో దీన్ని ప్రవేశపెడతారని భావించారు. మహీంద్రా థార్ రాక్స్‌ను ఆగస్టు 15న స్వాతంత్ర్య దినోత్సవం రోజున ప్రారంభించవచ్చు. దీని ప్రారంభ ధర దాదాపు రూ. 15 లక్షలు (ఎక్స్-షోరూమ్) ఉండవచ్చు. సెగ్మెంట్లో, ఇది మారుతి జిమ్నీ, రాబోయే 5-డోర్ ఫోర్స్ గూర్ఖాతో పోటీపడుతుంది.

రాబోయే 5-డోర్ల మహీంద్రా థార్ SUV డిజైన్ గురించి మాట్లాడుతూ.. థార్ సాంప్రదాయ బాక్సీ ప్రొఫైల్‌తో వస్తుంది. ఇది ఇప్పటికే ఉన్న 3-డోర్ల థార్ వంటి సాంప్రదాయ బాక్సీ ప్రొఫైల్‌తో వస్తుంది. అయితే, ఇందులో చాలా మార్పులు కనిపిస్తాయి. SUV కొత్త గ్రిల్ డిజైన్, రౌండ్-ఆకారంలో అధునాతన LED హెడ్‌ల్యాంప్‌లు, నిలువు టెయిల్‌ల్యాంప్‌లు, కొత్త డిజైన్ బంపర్‌లు, కొత్త అల్లాయ్ వీల్స్, టెయిల్‌గేట్-మౌంటెడ్ స్పేర్ వీల్, ఫ్లాట్ రూఫ్‌లను పొందుతుంది.

ఫీచర్లు..

ఈ కారు క్యాబిన్ సింగిల్ పేన్ సన్‌రూఫ్, పెద్ద 10-అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్, కనెక్ట్ చేసిన కార్ టెక్నాలజీ, ఫ్రంట్ ఆర్మ్‌రెస్ట్, కొత్త స్టీరింగ్ వీల్, ADAS వంటి భద్రతా లక్షణాలను పొందుతుంది. సీలింగ్-మౌంటెడ్ స్పీకర్ కూడా ఉంది.

5-డోర్ మహీంద్రా థార్: ఎక్స్‌పెక్టెడ్ ఇంజన్ ఆప్షన్..

పనితీరు గురించి మాట్లాడితే, 5-డోర్ థార్ రెండు ఇంజన్ ఆప్షన్‌లను పొందవచ్చు. ఇది 3-డోర్ థార్ వంటి 2.2-లీటర్ mHawk డీజిల్ యూనిట్, 2.0-లీటర్ mStallion టర్బోచార్జ్డ్ పెట్రోల్ యూనిట్ కలిగి ఉండవచ్చు.

పవర్, టార్క్ అవుట్‌పుట్‌లు 3-డోర్ థార్ నుంచి భిన్నంగా ఉండవచ్చు. ఎందుకంటే రాబోయే 5-డోర్ల థార్ పరిమాణంలో చాలా పెద్దదిగా ఉంటుంది. ట్రాన్స్‌మిషన్ ఎంపికలలో 6-స్పీడ్ మాన్యువల్, 6-స్పీడ్ ఆటోమేటిక్ గేర్‌బాక్స్‌లు ఉంటాయి. ఇది కాకుండా, SUV 4×2, 4×4 డ్రైవ్‌ట్రెయిన్ రెండింటి ఎంపికను కలిగి ఉంటుంది.