Mahindra XUV 700 Discount: మెగా డిస్కౌంట్.. XUV 700పై ఇంత భారీ తగ్గింపా..?

Mahindra XUV 700 Discount: భారతీయ కస్టమర్లలో మహీంద్రా XUV 700 SUV విభాగంలో బాగా ప్రాచుర్యం పొందింది.గత నెలలో అంటే జూలైలో ఈ కారు మొత్తం 7,769 కస్టమర్లను పొందింది. స్కార్పియో, XUV 3X0 తర్వాత కంపెనీ విక్రయాల జాబితాలో గత నెలలో మహీంద్రా XUV 700 మూడవ స్థానంలో ఉంది. మీరు కూడా రాబోయే కొద్ది రోజుల్లో మహీంద్రా XUV 700ని కొనుగోలు చేయాలనుకుంటున్నట్లయితే మీ కోసం ఒక గొప్ప శభవార్త ఒకటి ఉంది.కంపెనీ అమ్మకాలను పెంచడానికి ఆగస్టు 2024లో XUV 700 AX5, AX3 వేరియంట్‌లపై బంపర్ డిస్కౌంట్లను ఇస్తోంది. ఈ రెండు వేరియంట్‌లను కొనుగోలు చేయడం ద్వారా మీరు ఈ నెలలో గరిష్టంగా రూ. 70,000 ఆదా చేసుకోవచ్చు.ఆఫర్ల గురించి మరిన్ని వివరాల కోసం కస్టమర్‌లు తమ సమీప డీలర్‌షిప్‌ను సంప్రదించవచ్చు.మహీంద్రా XUV 700 ధర, ఫీచర్లు, పవర్‌ట్రెయిన్, గురించి తెలుసుకుందాం.

XUV 700 పవర్‌ట్రెయిన్ గురించి మాట్లాడితే కస్టమర్‌లు మహీంద్రా XUV 700లో 2 ఇంజిన్‌ల ఎంపికను చూస్తారు. మొదటిది 2.0-లీటర్ టర్బో పెట్రోల్ ఇంజన్ గరిష్టంగా 200bhp పవర్, 380Nm గరిష్ట టార్క్‌ను ఉత్పత్తి చేయగలదు. ఇది కాకుండా కారులో 2.2-లీటర్ డీజిల్ ఇంజన్ కూడా ఉంది. ఇది గరిష్టంగా 185bhp పవర్‌ని 450Nm పీక్ టార్క్‌ను ఉత్పత్తి చేయగలదు. ఈ రెండు రెండు ఇంజన్లలో 6 స్పీడ్ మాన్యువల్, 6 స్పీడ్ ఆటోమేటిక్ గేర్‌బాక్స్ ఉన్నాయి.

వీటితో పాటు XUV 700 టాప్ వేరియంట్ AX7, AX7 L లలో ఆల్-వీల్ డ్రైవ్‌ట్రెయిన్ కూడా ఉంటుంది. మహీంద్రా XUV 700 వినియోగదారుల కోసం 6 కలర్ ఆప్షన్స్‌లో వస్తుంది. మహీంద్రా XUV 700 క్యాబిన్‌లో కస్టమర్‌లు 10.2-అంగుళాల పెద్ద టచ్‌స్క్రీన్ ఇన్ఫోటైన్‌మెంట్ సిస్టమ్, 10-అంగుళాల డిజిటల్ ఇన్‌స్ట్రుమెంట్ క్లస్టర్, పనోరమిక్ సన్‌రూఫ్, డ్యూయల్-జోన్ క్లైమేట్ కంట్రోల్, వెంటిలేటెడ్ ఫ్రంట్ సీట్, అలెక్సా కనెక్టివిటీ ఫీచర్లను చూస్తారు.

ఇది కాకుండా SUV లో 7 ఎయిర్‌బ్యాగ్‌లు, ఎలక్ట్రానిక్ పార్కింగ్ బ్రేక్, ADAS టెక్నాలజీ, టైర్ ప్రెజర్ మానిటరింగ్ సిస్టమ్ భద్రత కోసం 360 డిగ్రీ కెమెరా ఉన్నాయి. మహీంద్రా XUV 700 మార్కెట్లో హ్యుందాయ్ అల్కాజార్, MG హెక్టర్ ప్లస్, టాటా సఫారీలతో పోటీ పడుతుంది. భారత మార్కెట్లో మహీంద్రా XUV 700 ప్రారంభ ఎక్స్-షోరూమ్ ధర టాప్ మోడల్ కోసం రూ. 13.99 లక్షల నుండి రూ. 26.04 లక్షల వరకు ఉంది.