Hero Xtreme 125R సూపర్ బైక్‌.. సరసమైన ధర, అదిరిపోయే ఫీచర్లు..!

Hero Xtreme 125R: హీరో మోటోకార్ప్ సరికొత్త ఎక్స్ ట్రీమ్ 125ఆర్ మోటార్ సైకిల్ ను దేశీయ మార్కెట్‌లోకి విడుదల చేసింది. దీనిని ఐబిఎస్, ఎబిఎస్ రెండు వేరియంట్లలో ప్రవేశపెట్టింది. ఒకటి రూ .95,000 కాగా మరొకటి రూ .99,500 (ఎక్స్-షోరూమ్). Hero Xtreme 125R దాని కొత్త అగ్రెసివ్ డిజైన్‌తో కొత్త శకానికి నాంది పలికింది. ఇది ప్రీమియం 125సీసీ బైక్, ఇది స్పోర్టితో పాటు అనేక కొత్త ఫీచర్లను కలిగి ఉంది. కొత్త ఇంజన్ తో పాటు దాని లుక్స్ అదిరిపోయాయి. ఈ బైక్‌ గురించి మరిన్ని వివరాలు తెలుసుకుందాం.

కొత్త Xtreme 125R ప్రీమియం లుక్‌తో పెద్దదిగా మరింత విభిన్నంగా కనిపిస్తుంది. దీని హెడ్‌ల్యాంప్ డిజైన్ ప్రతి ఒక్కరిని ఆకర్షిస్తుంది. కవాసకి మోడల్‌ను గుర్తు చేస్తుంది. భారీ ట్యాంక్, పదునైన టెయిల్ సెక్షన్‌తో దీని లుక్ అదిరిపోతుంది. ఇది ఇతర 125cc బైక్‌ల కంటే చాలా పెద్దదిగా ఆకర్షణీయంగా కనిపిస్తుంది.

ఇది ఎయిర్-కూల్డ్ 125cc, సింగిల్-సిలిండర్ ఇంజిన్‌తో అమర్చబడి ఉంటుంది. ఇది 8,000rpm వద్ద 11.5hp శక్తిని ఉత్పత్తి చేస్తుంది. 125 cc బైక్ కోసం ఈ పవర్ అవుట్‌పుట్ సరసమైనది. ఇది 66kmpl ఇంధన సామర్థ్యాన్ని కలిగి ఉంది. 5.9 సెకన్లలో 0 నుంచి 60 కిమీ/గం అందుకుంటుంది. ఇది i3S ఐడిల్ స్టాప్ స్టార్ట్ సిస్టమ్‌ను కలిగి ఉంది.

Xtreme 125R కూడా 120/80 విభాగంలో వెడల్పాటి వెనుక టైర్, 37 mm ఫ్రంట్ సస్పెన్షన్‌ను కలిగి ఉంది. ప్రొజెక్టర్ LED హెడ్‌ల్యాంప్‌లు, LED వింకర్‌లు, సిగ్నేచర్ LED టెయిల్ ల్యాంప్స్, కాల్, SMS హెచ్చరికలతో కూడిన LCD క్లస్టర్, గేర్ పొజిషన్ ఇండికేటర్, బ్లూటూత్ కనెక్టివిటీ వంటి ఫీచర్లు ఉన్నాయి. ఈ బైక్ ధర దాదాపు దాని పోటీదారులతో సమానంగా ఉంది.